समाज

राक्षसी प्रवृत्ति देखाएर कुन तानाशाही ल्याउन खोजेको हो स्पष्ट भएको छ : प्रधानमन्त्री ओली

सिधाकुरा

बिहीबार, वैशाख ११, २०८२

राक्षसी प्रवृत्ति देखाएर कुन तानाशाही ल्याउन खोजेको हो स्पष्ट भएको छ : प्रधानमन्त्री ओली

काठमाडौँ । प्रधानमन्त्री केपी शर्मा ओलीले पाखण्डी सिद्धान्तको आधारमा शासन गर्न खोज्ने सामन्ती युगलाई पुनः फर्काउने आवाज सुनिन थालेको बताएका छन् । उनले राक्षसी प्रवृत्ति देखाएर कुन तानाशाही ल्याउन खोजेका छन् भन्ने कुरा स्पष्ट भएको पनि बताए ।

Watch On

बिहीबार लोकतन्त्र दिवसको अवसरमा एमालेले काठमाडौँको भृकुटीमण्डपमा आयोजना गरेको ‘युथ सेलिब्रसनलाई सम्बोधन गर्दै उनले यस्तो बताएका हुन् । सो क्रममा उनले दिएको अभिव्यक्तिको सानो अंश यस्तो छ :

'कुनै वैज्ञानिक आधार नभएको एउटा पाखण्डी सिद्धान्तको आधारमा शासन गर्न खोज्ने सामन्ती युगलाई फर्काउने आवाज पनि कता कता सुनिन थालेका छन् । यस देशमा लोकतन्त्र नमान्ने, संविधान नमान्ने, जनताको बलिदानको अपमान गर्ने, संघर्षको अपमान गर्ने र त्यसलाई मजाक उडाउने काम भएको छ । प्रतिगमनतर्फ देशलाई लानको लागि जनताको हत्या गर्ने, तोडफोड गर्ने, आगजनी गर्ने, व्यक्तिका घरहरु, सार्वजनिक प्रतिष्ठान मिडिया हाउसहरुमाथि आक्रमण हुने, अथवा जंगली होइन राक्षसी प्रविृत्ति फेरि जनतामाथि यिनीहरुले कस्तो शासन रोप्न खोजेका छन् ? कुन तानाशाही ल्याउन खोजेका छन् भन्ने कुरा स्पष्ट देखाएका छन् ।

प्रकाशित मिति: बिहीबार, वैशाख ११, २०८२

प्रतिक्रिया दिनुहोस्