समाज

वर्तमान राजनीतिक नेतृत्व अवैध छ, पर्यो भने सरकारबाट बाहिरिन्छौँः गगन थापा

सिधाकुरा

बिहीबार, वैशाख ११, २०८२

वर्तमान राजनीतिक नेतृत्व अवैध छ, पर्यो भने सरकारबाट बाहिरिन्छौँः गगन थापा

काठमाडौँ । नेपाली कांग्रेसका महामन्त्री गगनकुमार थापाले वर्तमान राजनीतिक नेतृत्व अवैध रहेको र पर्यो भने सरकारबाट बाहिरिने चेतावनी दिएका छ्न । बिहिबार लोकतन्त्र दिवसको अवसरमा काठमाडौँमा आयोजित कार्यक्रमलाई सम्बोधन गर्दै थापाले जसले देश चलाइरहेको छ तिनैका कारण बैचैनी भएको बताउँदै पर्यो भने सरकारबाट बाहिरिने बताएका हुन् ।

‘शीर्ष नेतृत्व वैधानिक छ। तर वैध छैन। वैध र वैधानिक हुने कुरा फरक हो।’, महामन्त्री थापाले भने, ‘हाम्रा केही आधारभूत कुराहरू छन् त्यो पूरा नहुने अवस्था भए सरकारबाट बाहिरिने छौँ । पर्यो भने सरकारबाट बाहिर जान्छौँ। यो सरकारबाट मात्रै होइन हाम्रा कुराहरू सम्बोधन नहुने, जनताको कुरा उठाउँदा वास्ता नगर्ने हो भने जुनसुकै सरकारबाट बाहिरिन्छौँ ।’

त्यस्तै उनले नागरिकहरुमा बेचैनी र अन्तुष्टि बढेको र सो बेचैनीको कारण सरकारको ड्राइभिङ सिटमा देखिएको बताएका छन् । ‘असन्तुष्टि र बेचैनी के कारणले बढिरहेको छ भने– जसको कारणले बेचैनी भएको छ उसैलाई ड्राइभिङ सिटमा देखिरहेका छन् । अब यो गाडी तिम्ले चलाएर हुँदैन भनिरहेका छौँ। यसका लागि काम गरिरहेका छौँ ।’

प्रकाशित मिति: बिहीबार, वैशाख ११, २०८२

प्रतिक्रिया दिनुहोस्