विश्व अर्थतन्त्र तरंगित हुँदा उद्योगमन्त्री चुरोट र रक्सीको लाइसेन्स बेच्न व्यस्त भएः मनिष झा

काठमाडाैँ । राष्ट्रिय स्वतन्त्र पार्टीका सांसद मनिष झाले उद्योगमन्त्री चुरोट र रक्सीको लाइसेन्स बेच्नमा व्यवस्त भएको आरोप लगाएका छन् । उनले विश्व अर्थतन्त्र तरंगित भईरहेको र छिमेकी मुलुकमा युद्धको सम्भावनाकाे चर्चा भईरहेका बेला हाम्रो देशमा त्यसको प्रभावको बारेमा कोही चिन्तित नभएको बताएका हुन् । 

Watch On

उनले भने, ‘अहिले विश्वगजते अथतन्त्रले तरंगित भएको छ । सबैतिर सबै देशले अमेरिकासँगको ब्यापारको बारेमा, वा चाइनासँगको निकासी पैठारीको बारेमा, वा भारत र पाकिस्तानबिच जुन संभावित युद्धको चर्चा छ, त्यसले गर्न सक्ने प्रभावको बारेमा, मलेसिया र कम्बोडियामा भइराखेको सोलार प्यानलको प्रडक्सनको बारेमा, अमेरिकन बोइङ जुन चाइनाले फर्काइदियो त्यो कुन देशले किन्ने भन्ने बारेमा चर्चा भईराखेको छ । तर हाम्रो उद्योगमन्त्रीहरु यहाँ चुरोट र रक्सीको लाइसेन्स कतिमा बेच्ने भनेर चर्चा गरिराखेका छन् । फेरि पनि म सरकारलाई शुभकाना दिन चाहन्छु । चलिरहोस् यो सरकार ।’ 

त्यस्तै उनले प्रधानमन्त्रीले धेरैदिनदेखि सरकार ढल्दैन भनेको विषलाई उल्लेख गर्दै नढलोस् भनेर शुभकमना दिए । आफूहरुले प्रतिपक्षमा बसेर सरकार नढलोस् भनेर कामना गरिराखेको पनि बताए । 

‘यो सरकार नढलोस् हामी प्रतिपक्षमा बसेर शुभकामना दिन चाहन्छौँ । सरकारले आफ्नो उपलब्धीको चर्चा धेरै गरोस् आफ्नो आयुको भन्दा, चुनौति दिन चाहन्छु । मैले यो महिनामा यो गरेँ भनेर परिणामहरु सुनाउनुभयो अझै राम्रो सुनिन्थ्यो होला’ , उनले भने ।