समाज

सरकारको नीति तथा कार्यक्रम गोलमटोल, अस्पष्टः माओवादी

सिधाकुरा

शुक्रबार, वैशाख १९, २०८२

सरकारको नीति तथा कार्यक्रम गोलमटोल, अस्पष्टः माओवादी

काठमाडौँ । नेकपा माओवादी केन्द्रले सरकारको नीति तथा कार्यक्रम जनतामा आशा जगाउनेजस्तो नदेखिएको टिप्पणी गरेको छ ।

Watch On

शुक्रबार संसद भवनमा सञ्चारकर्मीसंग कुरा गर्दै माओवादी प्रवक्ता अग्नि सापकोटाले सरकारको नीति तथा कार्यक्रम परम्परावादीजस्तो रहेकाले यसमा जनतामा आशा जगाउनेजस्तो केहि नदेखिएको बताए । उनले नीति तथा कार्यक्रममा आगामी मार्गचित्र प्रष्टसंग नआएको टिप्पणी गरे । त्यस्तै अनुगमनमाथि पनि अनुगमन गर्ने विषयले सरकारले आफँैले आफैँलाई विश्वास नगरेको संकेत गरेको बताए ।

सापकोटाले नीति तथा कार्यक्रमकै आधारमा बजेट आउने भएकाले सरकारको बजेट पनि कर्मकाण्डजस्तै आउने देखिएको बताए । सुशासन, सेवा प्रभाव र भ्रष्टाचार नियन्त्रणका बिषयमा समेत सरकारको प्रष्ट दृष्टिकोण आउन नसकेको उनको भनाइ छ ।

त्यस्तै माओवादी केन्द्रका उपमहासचिव वर्षमान पुनले सरकारको नीति तथा कार्यक्रम प्राण भएको जस्तो नदेखिएको र गोलमटोल रहेको आरोप लगाए । उनले सरकार अस्पष्ट ढंगले हिँडिरहेको अवस्थामा सरकारको कार्यक्रम पनि त्यस्तै अस्पष्ट रहेको बताए ।

पुनले कतिपय कुराहरु नीति तथा कार्यक्रममा नराखिएकाले पछि आफुखुसी बजेटमा राख्न खोजिएको हो की भन्ने आभाष भएको बताए ।

प्रकाशित मिति: शुक्रबार, वैशाख १९, २०८२

प्रतिक्रिया दिनुहोस्