मुख्य समाचार

रेशम पक्राउबारे भोलीसम्म प्रधानमन्त्रीले जवाफ नदिए सरकार छोडेर आन्दोलन गर्ने नाउपाको चेतावनी

सिधाकुरा

सोमबार, वैशाख २२, २०८२

रेशम पक्राउबारे भोलीसम्म प्रधानमन्त्रीले जवाफ नदिए सरकार छोडेर आन्दोलन गर्ने नाउपाको चेतावनी

काठमाडौँ । नागरिक उन्मुक्ति पार्टीले पार्टी संरक्षक रेशम चौधरी पक्राउबारे सरकारको धारणा माग गरेको छ । सोमबार प्रतिनिधिसभा बैठकमा बोल्दै सांसद लालवीर चौधरीले भोलीको बैठकमा प्रधानमन्त्री र गृहमन्त्रीले जवाफ नदिए आफूहरु सरकार छोडेर प्रदर्शनमा उत्रिने चेतावनी दिएका छन् ।

‘गत बैसाख १७ गते हाम्रो नागरिक उन्मुक्ति पार्टी र जनमत पार्टीको एकीकरणको सन्दर्भमा हामी कार्यक्रम अगाडि बढाइरहेका थियौँ । यत्तिकैमा पूर्वमाननीय रेशम चौधरीलाई अपहरण शैलीमा एकाएक डिल्लीबजार पुर्याइयो । मिडियामा आएअनुसार महिमानसिंह विष्टले त्यो लेख्ने र पक्राउ गर्ने पूर्जी काट्नुभएको छ । न्यायालयबाट त्यसलाई फर्जी भनेर भनिएको छ ।’, सांसद चौधरीले भने, ‘तर अहिलेसम्म पनि सरकारका तर्फबाट यसमा कुनै अभिव्यक्ति नआएकाले म सो संसदलाई भन्न चाहान्छु, प्रधानमन्त्री र गृहमन्त्रीले जवाफ दिनुभएन भने हामी सरकार छोड्न बाध्य भएर अवरोध गर्न तयार हुन्छौँ ।’

गत वैशाख १७ गते नागरिक उन्मुक्ति पार्टी र जनमत पार्टीबीच एकता घोषणा कार्यक्रममा सहभागि हुन पुगेका रेशम चोधरीलाई पक्राउ गरी डिल्लीबजार कारागार पठाइएको थियो । सर्वोच्चले रेशमलाई थुनामा पठाउने पत्र फर्जी रहेको भनी अर्को पत्र काटेसँगै रेशम थुनामुक्त भएका थिए ।

प्रकाशित मिति: सोमबार, वैशाख २२, २०८२

प्रतिक्रिया दिनुहोस्