समाज

रेशम पक्राउ प्रकरणले विधिको शासनमा भुईँचालो ल्यायोः जनमत पार्टी

सिधाकुरा

मंगलबार, वैशाख २३, २०८२

रेशम पक्राउ प्रकरणले विधिको शासनमा भुईँचालो ल्यायोः जनमत पार्टी

काठमाडौँ । रेशम चौधरी पक्राउ गर्न न्यायालयबाटै आएको आदेशले विधिको शासनमा भुईँचालो ल्याएको जनमत पार्टीले जनाएको छ । पार्टीका तर्फबाट संसदमा बोल्दै सांसद अनिता देवीले जुन निकायबाट हामी न्यायको आश गर्छौँ त्यही निकायबाट सो हदको लापरवाही हुनुले न्यायालयप्रपतिको विश्वास गुमेको बताइन् ।

Watch On

उनले भनिन्, ‘आज फेरी विधिको शासनमा भुईँचालो आएको छ । बैशाख १७ गतेका दिन नागरिक उन्मुक्ति पार्टी र जनमत पार्टीको पार्टी एकता हुनुअगावै नागरिक उन्मुक्ति पार्टीका संरक्षक रेशम चौधरीलाई अपहरण शैलीमा गिरफ्तार गरेर डिल्लीबजार लगियो । मधेशी, मुस्लिम, थारु, आदीवासी, जनजातीलाई कहिले सरकारले त कहिले न्यायालयले अवहेलना गर्दै आएको छ । तर जुन न्यायालयबाट हामी निष्पक्ष न्याय पाउँछौँ भनेर हामी आशा राखेका हुन्छौँ, तर आज विश्वास गुमाएको छ । उक्त घटनाको निष्पक्ष छानबिन गरि दोषीमाथि कारबाही होस् ।’

गत वैशाख १७ गते नागरिक उन्मुक्ति पार्टी र जनमत पार्टीबीच एकता घोषणा कार्यक्रममा सहभागि हुन पुगेका रेशम चोधरीलाई पक्राउ गरी डिल्लीबजार कारागार पठाइएको थियो । सर्वोच्चले रेशमलाई थुनामा पठाउने पत्र फर्जी रहेको भनी अर्को पत्र काटेसँगै रेशम थुनामुक्त भएका थिए ।