नेताहरुकै कारण जनतामा सबै नेताहरु फटाहा हुन् भन्ने भाष्य स्थापित भयोः धनराज गुरुङ

काठमाडौँ । नेपाली कांग्रेसका उपसभापति धनराज गुरुङले नेताहरुकै कारण सबै नेताहरु फटाहा हुन भन्ने भाष्य जनतामा स्थापित भएको बताएका छन् । मंगलबार प्रतिनिधिसभा बैठकमा सरकारको नीति तथा कार्यक्रममाथिको छलफलका क्रममा गुरुङले नेताहरुको एक अर्काप्रति दोषारोपण गर्ने प्रवृत्तिका कारण यस्तो भाष्य स्थापित भएको बताएका हुन् । 

Watch On

एउटा नेताले अर्को नेतालाई जाली हो, फटाहा हो, बेइमान हो भन्दा भन्दै धुर्त हो भनिरहेपछि अर्कोले पनि त्यही भन्ने भो । त्यही भन्दा भन्दै जनताले के बुझे भन्दाखेरी यी नेताहरु सबै फटाहा, बेइमान धुर्त रहेछन् भनेर नेपाली जनताले बुझ्ने भए नि त’, उनले भने । 

त्यस्तै उनले राज्यका बिभिन्न निकायमा रहेका सबैको सम्पति छानविन गर्नुपर्ने बताए । मंगलबार प्रतिनिधिसभा बैठकमा सरकारको नीति तथा कार्यक्रममाथिको छलफलका क्रममा गुरुङले अहिले भ्रष्टाचार गर्ने र नगर्नेलाई एउटै डालोमा राखेर तुलना हुने गरेको भन्दै नेतादेखि कर्मचारीसम्म सवैको सम्पति छानविन गर्नुपर्ने बताउनुभएको हो । छानविन गर्दा स्रोत नखुलेको भेटिए जफत गर्नुपर्ने उहाले बताउनुभयो । गुरुङले दलीय स्वार्थका आधारमा एक नेताले अर्काप्रति गर्ने टिप्पणीले नेताहरु सवै जाली हुन् भन्ने भाष्य जनतामा परेको जिकिर गरे । 

उनले सर्वदलीय समिति गठन गरेर संविधान संशोधनको कामलाई अघि बढाउन प्रस्ताव समेत गरे । समानुपातिक प्रतिनिधित्व हुने गरी प्रत्यक्ष निर्वाचन सुनिश्चित गर्नेगरि संविधान संशोधन गर्नुपर्ने उनले बताए । त्यस्तै गुरुङले मरिसकेको राजसंस्थाका बिषयमा अनावश्यक बहस गर्न आवश्यक नरहेको तर्क गरे । 

उनले कर्म, व्यबहार, दृष्टिकोण र उद्देश्य र गन्तव्यले अहिलेको व्यवस्थालाई सुदृढ गर्दै लैजानुपर्नेमा जोड दिए ।