भारत-पाकिस्तान तनावः दुबै देशको आ-आफ्नै दावी

काठमाडौँ । भारत र पाकिस्तानबीचको दिन प्रतिदिन बढ्दै गएको छ । अप्रिल २२ मा कश्मिरको पहलगाममा एक नेपालीसहित २६ जना पर्यटकको हत्या भएपछि भारतले उक्त आतंकवादी हमलामा पाकिस्तान पनि जिम्मेवार रहेको बताउँदै आएको छ । उक्त घटना भएको २ हप्तापछि भारतले अपरेशन सिन्दूर मार्फत त्यसको जवाफ दिएको थियो । भारतको अपरेशन सिन्दूरपछि पाकिस्तानले आफ्ना २६ जना निर्दोष नागरिकको ज्यान गएको र ४६ जना घाइते भएको जनाएको छ । 

भारतको उक्त अपरेशनपछि पाकिस्तानले पनि भारतलाई जवाफ दिने बताएको थियो । त्यसपछि दुई देशबिच बिभिन्न समयमा गोलाबारी भईरहेको समाचारहरु आईरहेका छन् । बिहीबार पाकिस्तानले गरेको गोलाबारीमा १६ जना भारतीय मारिएको भारतको रक्षा मन्त्रालयले जनाएको छ । सो क्रममा भारतले पाकिस्तानको वायु रक्षा प्रणाली ध्वस्त पारेको दावी गरेको छ । 

बिहीबार राति जम्मु कश्मिरको जम्मु शहरमा पाकिस्तानले मिसाईल आक्रमण गरेको भारतको भनाई छ । उक्त क्षेत्रमा आक्रमण भएपछि भारतले शहरमा ब्ल्यकआउट गरेको थियो । आकाशमा बिभिन्न प्रकारका मिसाइल आएको र नस्ट गरिएका बिभिन्न दृश्यहरु सार्वजनिक भएका छन् ।  पाकिस्तानले अखनूर, साम्बा, कठुआ लगायत थुप्रै स्थानमा आक्रमण गरेको भारतको दावी छ । ति सबै आक्रमणहरुलाई आफ्ना सुरक्षा संयन्त्रले आकाशमै निस्तेज पारेको जनाएको छ । 

उता पाकिस्तानले पनि भारतले प्रहार गरेको २५ ओटा ड्राेन निस्तेज पारिएको दावी गरेको छ । उसले भारतीय हमलाका कारण २ पाकिस्तानी नागरिकको मृत्यु भएको जनाइएको छ । तर पाकिस्तानले भारतीय सिमा क्षेत्रमा क्षेप्यास्त्र प्रहारको भन्ने भारतको दावीलाई अस्वीकार गरेको छ । 
आणविक हतियारले शक्तिशाली दुईबिचको बढ्नो तनाबले विश्व समुदाय चिन्तित बनेका छन् ।