भारत–पाकिस्तानको तनावबारे लुम्बिनीबाट प्रधानमन्त्रीले के भनेका थिए ?

काठमाडौँ । प्रधानमन्त्री केपी शर्मा ओलीले भारत पाकिस्तानले स्थिति विस्तार हुन नदिएकोमा धन्यवाद व्यक्त गरेका छन् । म्बिनीमा आयोजित २५६९ औँ बुद्ध जयन्ती मूल समारोहमा प्रधानमन्त्री ओलीले आफूहरुले पनि हात हालाहालको स्थिती रोक्नको लागि कुरा गरेको बताए । सो क्रममा उनले बुद्धको उपदेश विश्वका लागि नै निकै उपयोगी भएको बताए । 

Watch On

यस्तो छ ओलीले भारत पाकिस्तानबीचको तनावबारे दिएको अभिव्यक्तिः 

‘उपदेशहरुमार्फत जुन शिक्षा बुद्धले दिनुभएको छ, ति विश्वका लागि महत्वपूर्ण छन् । झण्डै झण्डै भर्खर अहिले मात्रै, केही दिन अगाडि मात्रै हाम्रै छिमेकमा भारत र पाकिस्तानको अलिकति हात हालाहाल भएको थियो । तर हात हालाहाल बढ्न पाएनन् । संयमका लागि उहाँहरूलाई धन्यवाद छ । हामीले सुरुदेखि भन्यौँ, विस्तार हुन नपाओस् है ।  यो हात हालाहालको स्थिति लडाइँमा परिणत हुन नपाओस् भन्ने कामना गर्‍यौँ । उहाँहरुसँग पनि कुरा गर्‍यौँ, नभन्दै उहाँहरूले लडाइँमा जान नदिने प्रतिबद्धता व्यक्त गर्नुभयो । फेरि पनि केही खसखस र आरोप प्रत्यारोपको स्थिति छ । अर्थात बुद्धका शान्तिका सन्देशहरुका अर्थ अहिले पनि छ, जहाँ पनि छ, व्यक्तिलाई छ, व्यक्तिको शान्तिका लागि छ, पारिवारिक शान्तिका लागि छ , सबै कुराका लागि शान्तिको महत्व छ । र आज जतिबेला मास डिस्ट्रक्सनका हतियारहरुका निर्माण र थुप्रो लगाउने काम भइरहेको छ यो विश्व र मानव अस्तित्वको लागि  खतरनाक छ ।’