समाज

धुर्मुस सुन्तलीलाई रंगशाला बनाउन नथाल बाबु नानु भनेँ, मानेनन्, बहुत दुःख पाए : प्रधानमन्त्री ओली

सिधाकुरा

मंगलबार, वैशाख ३०, २०८२

धुर्मुस सुन्तलीलाई रंगशाला बनाउन नथाल बाबु नानु भनेँ, मानेनन्, बहुत दुःख पाए : प्रधानमन्त्री ओली

काठमाडौँ । प्रधानमन्त्री केपी शर्मा ओलीले आफूले धुर्मुस सुन्तलीलाई चितवनमा रंगशाला नबनाउन सुझाव दिएको बताएका छ्न । मंगलबार बनेपा नगरपालिका–१० मा निर्माण हुने ‘सिनेपा’ नामक चलचित्र छायाङ्कन स्टुुडियोको शिलान्यास गर्दै उनले आफूले पूरा नहुने काम नथाल बाबु नानी भनेर धुर्मुस सुन्तलीलाई आग्रह गरेको तर नमान्दा अहिले दुःख पाएको बताए ।

Watch On

पूरा हुने कुरामा मात्र हात हाल्नुपर्ने बताउँदै उनले धुर्मुस सुन्तलीले धेरै दुःख पाएको बताए । ‘मैले गाह्रो छ बाबु नानु, त्यहाँ नथाल न भन्दाभन्दै धुर्मुस सुन्तलीले क्रिकेट मैदान सुरु गरे । बहुत दुःख पाए। माया लाग्छ ।’, प्रधानमन्त्री ओलीले भने ।

त्यस्तै उनले धुर्मुस सुन्तलीले जतिसुकै दुःख पाएपनि उनीहरुले सुरु गरेको त्यो रंगशाला बन्ने बताए । ‘तर त्यो क्रिकेट मैदान पनि बन्छ, उनीहरूको दुःख कष्ट पनि हट्छ एकदिन।’, प्रधानमन्त्री ओलीले भने ।
त्यस्तै उनले आफूहरुले मंगलबार एउटा नयाँ कामको थालनी गरेको र त्यसलाई सफल बनाउनुपर्ने बताए । मानिसले एकैचोटी ठूला काम आँट्न भन्दापनि सानातिना कामहरु सफल बनाउनुपर्ने बताए ।

प्रकाशित मिति: मंगलबार, वैशाख ३०, २०८२

प्रतिक्रिया दिनुहोस्