रविन्द्र मिश्रलाई थुन्नुको कारण पेस गर्न सर्वोच्चको आदेश

काठमाडौँ । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रलाई पक्राउ गर्नुको कारण पेस गर्न सर्वोच्च अदालतले आदेश दिएको छ । सर्वोच्चका न्यायाधीश सुनिलकुमार पोखरेलको इजलासले बन्दी प्रत्यक्षीकरणको रिटमाथि सुनुवाई गर्दै मिश्रलाई स–शरीर उपस्थित गराउन समेत आदेश दिएको हो । 

Watch On

प्रहरी हिरासतमा रहेका राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रको रिहाइको माग गर्दै सर्वोच्च अदालतमा मंगलबार रिट दायर भएको थियो । 

अदालतमा उनकी श्रीमती सारिका कार्कीले रिट दायर गरेकी थिइन्। मिश्रको बयान सकिएपनि उनलाई विभिन्न मुद्दा थप गरेर थुनाउन खोजेको भन्दै कार्कीले रिट दायर गरेकी हुन्। रिटमा गृह मन्त्रालयलाई विपक्षी बनाइएको छ।

मिश्रमाथि प्रहरी राज्यविरुद्धको अपराध, संगठित अपराध र आपराधिक उपद्रव सम्बन्धी अभियोगमा काठमाडौँ प्रहरी परिसरले अनुसन्धान गरिरहेको छ।

मिश्रमाथि अनुसन्धान गर्न भन्दै अदालतले ८ पटकसम्म म्याद थप गरिसकेको छ ।