शुल्क लिएर दमक भ्यू टावर सञ्चालन गर्न मन्त्रीपरिषद्को स्वीकृति

काठमाडौँ । मन्त्रिपरिषद्ले दमक भ्यू टावर हाललाई शुल्क लिइ सञ्चालन गर्न स्वीकृति दिने निर्णय गरेको छ । बिहीबार सिंहदरबारमा मन्त्रिपरिषद्का निर्णय सार्वजनिक गर्दै सरकारका प्रवक्ता पृथ्वी सुब्बा गुरुङले सो बारे जानकारी गराएका हुन् । उक्त निर्णय बैशाख ३१ गते बसेको मन्त्रीपरिषद् बैठकले गरेको थियो । 

Watch On

सो क्रममा प्रवक्ता गुरुङले केहि दिनभित्रै नेपाल राष्ट्र बैंकको गभर्नर नियुक्त हुने विश्वास व्यक्त गरे । गुरुङले गभर्नर नियुक्तिका लागि पुरानो सिफारिस समिति बिघटन गरि नयाँ सिफारिस समिति गठन भएकाले अव दुई–चार दिनमै नयाँ गभर्नर नियुक्त हुने बताएका हुन् । 

उनले चाँडो भन्दा चाँडो नियुक्ति सम्पन्न गर्न नयाँ सिफारिस समिति गठन भएकाले अब ढिलाई नहुने जिकिर गरे । त्यस्तै प्रवक्ता गुरुङले जलवायु परिवर्तनले नेपालमा पारेको असरका बारेमा विश्वसामु उजागर गर्न सगरमाथा सम्वादको आयोजना गरिएको जानकारी दिए । जलवायु परिवर्तनबाट देखिएका समस्या सामनाका साथै यसलाई न्यूनिकरण गर्न साझा प्रतिवद्धता आवश्यक देखिएको उनले बताए । 

त्यस्तै बैशाख ३१ गते बसेको मन्त्रिपरिषद्का निर्णय सार्वजनिक गर्दै प्रवक्ता गुरुङले नेपाल कृषि अनुसन्धान परिषद्को पुनसंरचना गर्ने निर्णय भएको जानकारी दिए । यसका लािग गोविन्दराज पोखरेलको संयोजकत्वमा इश्वरी कडरिया र डा यज्ञ गजाधर खड्का रहेको उच्चस्तरीय पुनसंरचना समिति गठन गरिएको उनले बताए । 

बैठकले नेपाल प्रहरीका बरिष्ठ नायव निरिक्षकहरुको तलबमान तथा ग्रेड समायोजन गर्ने, सहकारी नियमन प्राधिकरणको आर्थिक बर्ष २०८१÷८२ को लागि अधिकृतस्तरको ३१ पदको अस्थायी दरबन्दी स्वीकृत गर्ने निर्णय भएको प्रवक्ता गुरुङले बताए ।