काठमाडौँ । उद्योगी व्यवसायीहरुले सरकारको केही नीतिका कारण अझै पनि उद्योग व्यापार तंग्रिन नसकेकोले तत्काल ठोस सुधार गर्न आग्रह गरेका छन् ।

विराटनगरमा आयोजित मोरङ उद्योग व्यापार संघको ६८ औँ साधारण सभामा उनीहरुले प्रमुख दुई राजनैतिक दलको दुई तिहाईको सरकार भएकाले आर्थिक एजेण्डालाई अब राष्ट्रिय एजेण्डा बनाउनुपर्ने र अर्थतन्त्र सुधारका लागि ठोस कदम चाल्न माग गरेका छन् । उनीहरुले केही महिना यता अर्थतन्त्रमा सुधार भएपनि बजार चलायमान हुन नसकेको गुनासो गरे । मोरङ उद्योग व्यापार संघका अध्यक्ष अनुपम राठीले आर्थिक रुपमा मुलुक सम्पन्न नभए सम्म मुलुक समृद्ध मान्न नसकिने भएकाले निजी क्षेत्रको सुझावलाई आत्मसात गरेर अघि बढ्न आग्रह गरे । 

कार्यक्रममा उद्योग वाणिज्य तथा आर्पूिर्त मन्त्री दामोदर भण्डारीले उनले निजी क्षेत्रको सहकार्य र सहयोग विना मुलुकको अर्थतन्त्र समृद्ध नहुने कुरा सरकारले बुझेको र एकिकृत व्यापार रणनीति ल्याएको जानकारी दिए । उनले सरकारले निजी क्षेत्रलाई अगाडि बढाउन क्रियाशिल रहेकोले नै सरकारले केही ऐनहरु अध्यादेश मार्फ पारित गरेको उल्लेख गरे ।

कार्यक्रमा सहभागी  उद्योगी व्यवसायीहरुले खुला सिमाका कारण भईरहेको अवैध व्यापार, लोडसेडिङ र केही उद्योगलाई लक्षित गरी कर प्रणाली हेरफेर जस्ता समस्याले उद्योग व्यावार संचालनमा समस्या भईरहेको गुनासो गरेका थिए ।