हेर्दाहेर्दैमा रहेको रवि लामिछानेको मुद्दाको सुनुवाई आज स्थगित

काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेको मुद्दामा आजको सुनुवाई स्थगित भएको छ । 
मंगलबार न्यायाधीशद्वय नहकुल सुवेदी र बालकृष्ण ढकालको इजलासमा हिजो सुरु भएको बहस नसकिएपछि हेर्दाहेर्दैमा राखिएको थियो । 
तर आज न्यायाधीश नहकुल सुवेदी संवैधानिक इजलासमा बस्नु पर्ने भएकाले रवि लामिछाने सहितको मुद्दाको सुनवाइ हुन नसक्ने भएको रवि लामिछानेका कानुन व्यवसायी अधिवक्ता डा नारायाण कडेलले जानकारी दिए । 

Watch On

मङ्गलवार सर्वोच्च अदालतका न्यायाधीशद्वय नहकुल सुवेदी र बालकृष्ण ढकालको संयुक्त इजलासमा बन्दीप्रत्यक्षीकरणको रिट र उच्च अदालतको आदेश विरुद्ध ७३ नम्बरको निवेदनमा  सुनुवाइ सुरु भएको थियो ।

लामिछाने जोडिएको सहकारी प्रकरणमा थुनामै रहेको पूर्व डिआइजी छविलाल जोशीको ७३ नम्बरकको निवेदन पनि सँगै राखेर हेरिएको छ । 

मंगलबार बहस नसकिएपछि उक्त निवेदन र रिट हेर्दाहेर्दैमा राखिएको थियो । मङ्गलवार लामिछानेको तर्फबाट वरिष्ठ अधिवक्ता सुशील पन्त, सुरेन्द्र थापा, अधिवक्ता दीपेन्द्र झा, डा।नारायणदत्त कँडेल, विवेक राउतलगायतले बहस गरेका थिए । 

आज लामिछानेका तर्फबाट वरिष्ठ अधिवक्ता रमन श्रेष्ठ सहित केहि अधिवक्ताहरुले बहस गर्ने तयारी गरेका थिए भने पूर्वडीआईजी जोशीका तर्फबाट वरिष्ठ अधिवक्ता शम्भु थापा लगायतकाा कानुन व्यवसायी, त्यसपछि पीडित र सरकारी वकिलले बहस गर्ने तयारी गरेका थिए ।