‘प्राधिकरण नाफामा रहेको कुरामा सत्यता छैन, हितेन्द्रदेवले सार्वजनिक गरेको श्वेतपत्र यथार्थपरक’: उर्जामन्त्री दीपक खड्का
उनले श्वेतपत्रमार्फत प्राधिकरणको अहिलेको वास्तविक अवस्था बाहिर आएको उल्लेख गरे ।
काठमाडौँ । ऊर्जा, जलस्रोत तथा सिंचाईमन्त्री दीपक खड्काले विद्युत प्राधिकरणले सार्वजनिक गरेको श्वेतपत्र यथार्थपरक रहेको बताएका छन् ।
बुधबार सिंहदरबारमा बसेको प्रतिनिधिसभा अन्तर्गतको पूर्वाधार विकास समितिको बैठकमा मन्त्री खड्काले प्राधिकरणको बित्तिय अवस्थामाबारेमा अन्यौल भइरहेको अवस्थामा विद्युत प्राधिकरणले सार्वजनिक गरेको श्वेतपत्र यथार्थपरक रहेको बताएका हुन् । उनले श्वेतपत्रमार्फत प्राधिकरणको अहिलेको वास्तविक अवस्था बाहिर आएको उल्लेख गरे । मन्त्री खड्काले अब प्राधिकरणको चाँडै अडिट हुने जानकारी दिए ।
महालेखाले प्राधिकरण घाटामा रहेको तथ्याङ्क दिने र तत्कालिन कार्यकारी निर्देशक कुलमान घिसिङले नाफा देखाउने कामले दुविधा उत्पन्न भएकाले नै सो समयमा अडिट गर्ने निर्णय गर्दा कुलमानले निर्णय कार्यान्वयन गर्न नमानेको उनले बताए । मन्त्री खड्काले प्राधिकरण नाफामा रहेको कुरामा सत्यता नरहेको दावी गरे ।
बैठकमा माओवादी सांसद माधव सापकोटाले कुलमानलाई देउता बनाउने पक्षमा आफुहरु नरहेको तर कुनै पनि राष्ट्रसेवक कर्मचारीको मनोबल गिराउन नहुने बताए ।
सरकारलाई मन नपरेको कर्मचारीलाई निकाल्ने प्रचलन उचित नभएको उनको भनाइ छ । त्यस्तै सांसद सापकोटाले नेपालको विधुत क्षेत्रमा धेरै योगदान गरेका कुलमानलाई केही गरेको छैन भन्ने तर्क गर्नु जायज नभएको धारणा राखे । उनले प्राधिकरणको अहिलेका प्रमुख र आवश्यक परे महालेखाका साथै कुलमानलाइ समेत बोलाएर यथार्थ कुरा बुझ्न समितिसमक्ष माग गरे ।
सांसद सापकोटाले प्रतिपक्षीले कुलमानको रक्षा गर्ने र सत्तापक्षले कुलमानलाई खेदो खन्ने परिपाटीलाई बन्द गर्नुपर्ने उल्लेख गरे ।
नेपाली संस्कृति र सम्पदा हाम्रो शान, पहिचान र वैभव हुन्ः राष्ट्रपति पौडेल
नेपाल कला परिषद्द्वारा आयोजित नेपाल कला तथा संस्कृति महोत्सव २०८२ अन्तर्गत चित्रकला प्रदर्शनीको उद्घाटन गर्दै उहाँले लोकतान्त्रिक शासन प्रणालीमा प्राप्त अवसरको उपयोग गरी हाम्रा भाषा, कला र संस्कृतिको... शुक्रबार, भदौ २०, २०८२
एमालेको दोस्रो विधान महाधिवेशन सुरु (तस्बिरहरु)
नेपाल कम्युनिष्ट पार्टी एमालेको विधान महाधिवेशन आजदेखि सुरुहुदैछ । सो कार्यक्रम उद्घाटन स्थलमा देखिएका तस्बिरहरुः शुक्रबार, भदौ २०, २०८२
निजामती सेवा दिवसका अवसरमा वृक्षरोपण
मन्त्रालयले शुक्रबार आयोजना गरेको कार्यक्रममा ऊर्जा, जलस्रोत तथा सिँचाइमन्त्री दीपक खड्काले वृक्षरोपण गरेर कार्यक्रमको शुभारम्भ गरेका हुन । निजामती सेवा दिवसको पूर्वसन्ध्यामा शुक्रबार आयोजित उक्त कार्यक्रममा ऊर्जामन्त्री खड्काले... शुक्रबार, भदौ २०, २०८२
बसन्तपुरमा सामूहिक कुमारी पूजा (तस्बिरहरु)
इन्द्रजात्राको अवसरमा ५०४ कन्या कुमारीको पूजा गरिएको हो । इन्द्र जात्राको लिंगो ठड्याएको भोलिपल्ट कुमारीको सामूहिक पूजा गर्ने प्रचलन छ । कुमारी पूजा गरेमा बालिकाहरूलाई तलेजु भवानीले रक्षा... शुक्रबार, भदौ २०, २०८२भर्खरै
- नेपाली संस्कृति र सम्पदा हाम्रो शान, पहिचान र वैभव हुन्ः राष्ट्रपति पौडेल
- एमालेको दोस्रो विधान महाधिवेशन सुरु (तस्बिरहरु)
- निजामती सेवा दिवसका अवसरमा वृक्षरोपण
- बसन्तपुरमा सामूहिक कुमारी पूजा (तस्बिरहरु)
- एमाले विधान महाधिवेशन आजदेखि
- धनराज जोडिएको मितेरी सहकारीको १४ करोड हिनामिना मुद्दामा अध्यक्ष कुम्भराज ३५ लाख धरौटीमा छुटे
- दीपक मनाङेको निर्वाचन क्षेत्रमा मनाङ–२ मा कार्तिक १७ मा उपनिर्वाचन हुने
- आजको मौसमः देशभर साधारणतया बदली हुने
