समाज

बाढी प्रभावित हुम्लाको तिलगाउँमा राहत पठाइएकोबारे संसदीय समितिमा जानकारी

सिधाकुरा

बिहीबार, जेठ ८, २०८२

बाढी प्रभावित हुम्लाको तिलगाउँमा राहत पठाइएकोबारे संसदीय समितिमा जानकारी

काठमाडौँ । राष्ट्रिय जोखिम न्यूनीकरण तथा व्यवस्थापन प्राधिकरणले हुम्लाको तिलगाउँका बाढी पीडितलाई आवश्यक राहत सामाग्री उपलव्ध गराइसकेको जनाएको छ ।

Watch On

बिहीबार सिंहदरबारमा बसेको राष्ट्रियसभा अन्तर्गतको सङ्घीयता सबलीकरण तथा राष्ट्रिय सरोकार समिति बैठकमा प्राधिकरणका कार्यकारी प्रमुख दिनेशप्रसाद भट्टले सो ठाँउको बस्तुगत अवस्थाको जानकारी लिइसकेपछि जिल्ला विपद् व्यवस्थापनमार्फत पीडितलाई आवश्यक राहत सामाग्री उपलव्ध गराएको जानकारी गराए । उनले चार वटा त्रिपाल, चामल १० क्वीन्टल, सय लिटर तेल, नून २ क्वीन्टल, मैदा ३० क्वीन्टल लगाएतका राहत सामाग्री पुराइएको बताए । भट्टले हिमताल फुटेर नभइ तालको तल प्वाल परेपछि तिलगाउँ क्षेत्रमा बाढी आएको जानकारी दिए ।

उनले यस वर्ष औसतभन्दा बढी वर्षा हुने भन्दै विपद् प्रतिकार्य तथा पूर्वतयारीका लागि तयारी अवस्थामा रहनुपर्ने बताए । विपद् प्रतिकार्यका लागि स्थानीय तहलाई बढि प्रभावकारी बनाउनुपर्ने उनले बताए ।

बैठकमा समिति सदस्यहरुले सांसदहरुले मनसुनअघि नै विपद् जोखिमलाई न्यूनिकरणका लागि आवश्यक पूर्वतयारी गर्नुपर्नेमा जोड दिएका थिए । समिति सभापति सोनाम गेल्जेन शेर्पाले विपद् व्यवस्थापनका लागि आवश्यक समन्वय गर्दै तयारीमा जुट्नुपर्ने धारणा राखे ।

प्रकाशित मिति: बिहीबार, जेठ ८, २०८२

प्रतिक्रिया दिनुहोस्