समाज

तीनकुने घटनाः दुर्गा, धवल र रविन्द्रविरुद्ध यी कसुरमा मुद्दा दर्ता

सिधाकुरा

आइतबार, जेठ ११, २०८२

तीनकुने घटनाः दुर्गा, धवल र रविन्द्रविरुद्ध यी कसुरमा मुद्दा दर्ता

काठमाडौँ । गत १५ चैतमा तीनकुनेमा भएको हिंसात्मक प्रदर्शनपछि पक्राउ परेका आन्दोलनका जनकमान्डर दुर्गा प्रसाईंविरुद्ध कर्तव्य ज्यानको कसुरमा मुद्दा दायर भएको छ । उनी विरुद्ध ६ ओटा कसुरमा मुद्दा दर्ता गरिएको छ । त्यसमा राज्यविरुद्धको कसुर, आपराधिक उपद्रव, हत्या, सङ्गठित अपराध, ज्यान मार्ने उद्योग र एकीकृत कसुर रहेका छन् ।

Watch On

उनी सहित ८ जनाविरुद्ध कर्तव्य ज्यानको कसुरमा मुद्दा दायर भएको हो । हरिहरि चौलागाईं, तारा राजावादी भनिने सरोज गौतम, शतिश न्यौपाने, गोकर्ण शाही, दण्डपाणि रेग्मी, सन्तोषकुमार सिलवाल र हेमराज थारूविरुद्ध कर्तव्य ज्यानको कसुरमा मुद्दा दायर गरिएको हो ।

राप्रपाका महामन्त्री तथा सांसद धवलशमशेर राणा र राप्रपाका वरिष्ठ उपाध्यक्ष रवीन्द्र मिश्रविरुद्ध चार कसुरमा मुद्दा दायर भएको छ । उनीहरुविरुद्ध राज्यविरुद्धको कसुर, आपराधिक उपद्रव, संगठित अपराध र एकीकृत कसुरमा मुद्दा दायर भएको छ ।

गत चैत १५ गते राजसंस्था पुनस्थापनाका लागि भन्दै तीनकुने मा प्रदर्शन गरिएको थियो । उक्त प्रदर्शनमा २ जनाको मृत्यु भएको थियो प्रहरी र प्रदर्शनकारी ठूलो संख्यामा घाइते भएका थिए ।

प्रहरीले अनुसनधान सकेर शुक्रबार राय सहितको प्रतिवेदन जिल्ला सरकारी वकिलको कार्यालयलाई बुझाएको थियो ।

प्रकाशित मिति: आइतबार, जेठ ११, २०८२

प्रतिक्रिया दिनुहोस्