मुख्य समाचार

प्रधानमन्त्रीको ‘उत्तेजक’ अभिव्यक्तिमाथि गगन थापाको टिप्पणी, ‘यस्ता कुरा आइन्दा नदोहोरियोस्’

सिधाकुरा

सोमबार, जेठ १२, २०८२

प्रधानमन्त्रीको ‘उत्तेजक’ अभिव्यक्तिमाथि गगन थापाको टिप्पणी, ‘यस्ता कुरा आइन्दा नदोहोरियोस्’

काठमाडौँ । नेपाली कांग्रेसका महामन्त्री गगन थापाले प्रधानमन्त्री केपी शर्मा ओलीले दिएको उत्तेजित अभिव्यक्तिलाई लिएर टिप्पणी गरेका छन् । सोमबार पदाधिकारी बैठकबाट बाहिरने क्रममा महामन्त्री थापाले प्रधानमन्त्री ओलीले शनिबार गोदावरीमा दिएको अभिव्यक्तिमाथि टिप्पणी गर्दै आगामी दिनमा त्यस्ता अभिव्यक्ति नदोर्याउन सुझाव दिएका हुन् ।

राजावादीको आन्दोलनलाई लिएर प्रधानमन्त्री अभिव्यक्तिप्रति टिप्पणी गर्दै थापाले भने, ‘‘हामीले त कसैलाई उत्तेजनामा ल्याउने काम गर्न पाइँदैन भने सम्माननीय प्रधानमन्त्रीले त्यस्तो भन्नुहुन्छ भन्ने कुरा कल्पना पनि गरिँदै । त्यसैले यो जे जस्ता कुराहरु बाहिर सुनियो। त्यस्ता कुराहरु बाहिर आइन्दा नदोहोरियोस्।’

प्रधानमन्त्री ओलीले शनिबार गोदावरीमा आयोजित नेकपा (एमाले) को बागमती प्रदेश कमिटीको कार्यक्रममा बोल्दै जेठ १५ गते राजधानी काठमाडौंलाई एमालेको नियन्त्रणमा राख्न निर्देशन दिएका थिए । प्रधानमन्त्रीको सो अभिव्यक्ति उत्तेजक भएको भन्दै चौतर्फी आलोचना भइरहेको छ । प्रधानमन्त्री स्वयम्ले हिंसा भड्काउन खोजेको आरोप लागिरहेको छ ।

प्रकाशित मिति: सोमबार, जेठ १२, २०८२

प्रतिक्रिया दिनुहोस्