‘भिजिट भिसा’को सेटिङले गृहमन्त्रीलाई अप्ठ्यारो पर्ने संकेत, विपक्षी दलहरुले संसद घेर्ने

काठमाडौँ । ‘भिजिट भिसा’को नाममा सेटिङ गरेर मानव तस्करी हुने घटनामा गृह मन्त्रालय तथा गृह मन्त्रीकै सचिवालयलेको संरक्षण रहेको खुलेपछि राजनीति तरगिंत बनेको छ । दैनिक लाखौँ उठाउने र असुलीएको रकमको भाग गृह मन्त्रालयसम्म पुग्ने सूचनाहरु बाहिरिएपछि गृह मन्त्री रमेश लेखक दबाबमा परेका छन् । 

Watch On

विपक्षी दलहरुले उनले राजीनामा दिनु पर्ने अडान राखेका छन् भने सत्तारुढ नेपाली कांग्रेस र एमालेले कर्मचारीले गरेको गल्तीमा मन्त्रीले राजिनामा दिनु पर्ने कुरा जायज नभएको भन्दै अस्विकार गर्दै आएका छन् । नेपाली कांग्रेस र नेकपा एमाले पार्टीको आन्तरिक बैठकबाट पनि गृह मन्त्री लेखकले राजिनामा दिनु नपर्ने निष्कर्ष निकालेका छन् ।

तर नेपाली कांग्रेस भित्र भने डा शेखर कोइराला, डा सुनिल शर्मा, राजेन्द्र बजगाईँ लगायतका नेताहरुले गृहमन्त्रीले नैतिकता देखाउनका लागि पनि राजिनामा दिएर अनुसन्धानमा सहयोग गर्नु पर्ने बताउँदै आएका छन् । तर नेपाली कांग्रेसले भने उनीहरुलाई नै स्पष्टीकरण सोध्ने तयारी गरेको छ । 
यता प्रतिपक्ष दलहरुले भने गृह मन्त्रीको राजिनामा बटमलाइन बनाएका छन् । बजेटको मुखमा आज बस्न लागेको प्रतिनिधि सभाको बैठकमा प्रतिपक्ष दल नेकपा एमाले, राष्ट्रिय स्वतन्त्र पार्टी(रास्वपा), राष्ट्रिय प्रजातन्त्र पार्टी(राप्रपा)ले संसदमा गृह मन्त्रीले राजिनामा नदिएसम्म संसद चल्न नदिने संकेत गरेका छन् । 

गृहमन्त्री लेखकले आफूमाथि उठेका प्रश्नको जवाफ दिन आज समय लिएको बताएपनि प्रतिपक्ष दलहरुले भने पहिले आफ्ना प्रश्न सुनेर मात्रै जवाफ दिनु पर्ने माग गर्दै आएका छन् ।

नेकपा माओवादी केन्द्रका प्रवक्ता अग्निप्रसाद सापकोटाले राज्यका निकायहरूले छानबिन नै सुरु गरिसकेको अवस्थामा गृहमन्त्री रमेश लेखकले राजीनामा दिएर मार्गप्रशस्त गर्नुपर्छ निर्णय गरेको बताए ।उनका अनुसार गृहमन्त्री लेखकले पावरका दुरुपयोग नगरुन र स्वतन्त्र, निष्पक्ष छानबिनका होस् भन्नकालागि पनि उनले तुरुन्त राजीनामा दिन पर्ने बताए । 

यस्तै राष्ट्रिय स्वतन्त्र पार्टी(रास्वपा)का प्रवक्ता मनिष झाले  ‘गृहमन्त्री र उनको सचिवालय नै ‘भिजिट भिसा’ मार्फत् मानव तस्करीमा संलग्न रहेको कुरा सार्वजनिक भईसकेकोले गृहमन्त्रीले तत्काल पदबाट राजीनामा दिएर निष्पक्ष अनुसन्धानलाई सघाउनु पर्ने माग गरेका छन् । 
रास्वपाले यसअघिनै आज बस्ने संसदको बैठक सामान्य नहुने भन्दै अवरोधको संकेत गरिसकेको छ । सोमबार बसेको संसदीय दलको बैठकले पनि लेखकले राजीनामा नदिएसम्म संसद् चल्न नदिने निर्णय गरेको छ ।

राप्रपाले गृहमन्त्री तथा प्रधानमन्त्री दुबैको राजिनामाको विषय संसदमा उठाउने बताएको छ । 

उसो त गृहमन्त्री रमेश लेखकले यसअघि आफूँ प्रतिपक्षमा हुँदा सरकारका मन्त्रीहरु माथि प्रश्न उठेपछि नैतिकताको आधारमा पनि पदमा बस्न नमिल्ने र छानिबनमा प्रभाव पर्ने भन्दै राजिनामा दिनु पर्ने बताउँदै आएका थिए । 
तर  अहिले गृहमन्त्रीकारुपमा आफू माथि प्रश्ने उठेपछि भने कर्मचारीलाई दोष लगाएर बच्न बाटो खोजेका छन् ।