मुख्य समाचार

गृहमन्त्रीमाथि उच्चस्तरीय छानविन आयोग नबनेसम्म संसद चल्न सक्दैनः रास्वपा

सिधाकुरा

मंगलबार, जेठ १३, २०८२

गृहमन्त्रीमाथि उच्चस्तरीय छानविन आयोग नबनेसम्म संसद चल्न सक्दैनः रास्वपा

कठमाडौं । राष्ट्रिय स्वतन्त्र पार्टीले गृहमन्त्रीमाथि छानविन गर्न उच्चस्तरीय छानबिन आयोगको माग गरेको छ । आज बसेको प्रतिनिधि सभाको बैठकमा बोल्दै रास्वपा सांसद शिशिर खनालले आयोग गठन नभएसम्म संसद चल्न नदिने घोषणा गरेका हुन् ।
उनले भिजिट भिसाका नाममा विमानस्थलमा सङ्गठित रूपमा भ्रष्टाचार भएको भन्दै उच्चस्तरीय छानविन आयोग नबनेसम्म सदन चल्न नदिने घोषणा गरेका हुन् ।

“त्रिभुवन अन्तरराष्ट्रिय विमानस्थलमा भिजिट भिसाका नाममा निर्दोष युवालाई लुटेर करोडौँको अबैध असुलीको र्‍याकेट चलिरहेको छ”, सांसद खनालले भने, “गृहमन्त्रीले पठाउनुभएको सहसचिव विवादित पृष्ठभूमिको हुनुहुँदोरहेछ । तर किन उहाँलाई अध्यागमनमा पठाइयो । गृहमन्त्रीको पनि स्वार्थ जोडिएको छ ।”

उनले थपे, ‘कुनै निकायले प्रमाण जुटाउँदैछ भने प्रमाण जुटाउन दिने कि प्रमाण नष्ट गर्न उसलाई सरुवा गर्ने ? अनुसन्धान कर्मचारीमात्रै नभई गृहमन्त्रीको पनि गर्नुपर्छ । तर, प्रहरीबाट हुने अनुसन्धानमा हामीलाई शंका छ । विगतमा नक्कली भुटानी शरणार्थी प्रकरण दबाइएको छ । सहकारीको मुद्दामा रवि लामिछानेलाई तीन महिनामा हिरासतमा राखियो तर सत्ता पक्षका सांसदहरूलाई बोलाएर चिया खुवाएर पठाएको छ। अनि हामीले कसरी विश्वास गर्ने निष्पक्ष हुन्छ भनेर ?’

प्रकाशित मिति: मंगलबार, जेठ १३, २०८२

प्रतिक्रिया दिनुहोस्