समाज

‘भिजिट भिसामा मेरो संलग्नता छैन, मेरा विरुद्ध नियोजित षड्यन्त्र गरियो’ : गृहमन्त्री लेखक

सिधाकुरा

बुधबार, जेठ १४, २०८२

‘भिजिट भिसामा मेरो संलग्नता छैन, मेरा विरुद्ध नियोजित षड्यन्त्र गरियो’ : गृहमन्त्री लेखक

काठमाडाैँ । गृहमन्त्री रमेश लेखकले भिजिट भिसा प्रकरणमा आफ्नो कुनै संलग्नता नरहेको बताएका छन् । उनले अहिले आफ्ना बारेमा लागेका आक्षेपहरु नियोजित भएको समेत बताएका छन् ।

Watch On

उनले यस विषयमा संसदबाट जवाफ दिने बताएका थिए । तर विपक्षी दलहरुले उनको राजीनामा माग गर्दै निरन्तर संसद अवरुद्ध गर्लै आएका छन् ।

संसदमा बोल्न नपाएपछि उनले नयाँ बानेश्वरस्थित संसद भवनको ल्होत्से हलमा पत्रकार सम्मेलन गरेका हुन् । सो क्रममा उनले भने, ‘भिजिट भिसा सम्बन्धमा मेराबारेमा आएका समाचार धराणाहरु असत्य र बेठिक कुरा हुन् । यसमा मेरो कुनै संलग्नता छैन । मेरो विरुद्धमा नियोजित ढंगले, षड्यन्त्रमुलक ढंगले अक्रमण गरिएको छ । यो आक्रमण राजनीतिक पूर्वाग्रहले प्रेरित छ ।’

मिति २०८३ जेठ ८ गते त्रिभुवन विमानस्थल अध्यागमन कार्यालयका सहसचिव तिर्थराज भट्टराईलाई सोधपुछको लागि अख्तियारले बोलाएको थियो । उनीसँग रहेका कागजात, डायरी तथा डिभाइसहरु नियन्त्रणमा लिएको थियो । सोही विषयमा गृहमन्त्री विवादमा तानिएका हुन् ।

प्रकाशित मिति: बुधबार, जेठ १४, २०८२

प्रतिक्रिया दिनुहोस्