नेपाललाई सुरक्षित र आकर्षक पर्यटकीय गन्तव्यका रूपमा ‘ब्राण्डिङ’ गरिने
काठमाडौँ । सरकारले मुलुकलाई सुरक्षित र आकर्षक पर्यटकीय गन्तव्यका रूपमा ब्राण्डिङ गर्ने भएको छ । सङ्घीय संसद्को संयुक्त बैठकमा आज उपप्रधानमन्त्री एवं अर्थमन्त्री विष्णुप्रसाद पौडेलले प्रस्तुत गरेको आगामी आर्थिक वर्ष २०८२/८३ को बजेटमा पूर्वाधारको विकास, गुणस्तरीय सेवा विस्तार र बजारीकरणकोमाध्यमबाट नेपाललाई आकर्षक गन्तव्यका रूपमा ब्राण्डिङ गरिने घोषणा गरे ।
छिमेकी मुलुकका पर्यटकलाई लक्षित गरी प्रवर्द्धनका विशेष योजना सञ्चालन गरिने बजेटमा उल्लेख छ । पर्या–पर्यटन, पर्वतीय तथा साहसिक पर्यटन, धार्मिक र सांस्कृतिक पर्यटनका प्रमुख गन्तव्यस्थलमा पर्यटक लक्षित सेवा विस्तार गरिने बजेटमा भनिएको छ ।
प्राकृतिक, सांस्कृतिक, साहसिक, चलचित्र, आरोग्य र खेलमा आधारित पर्यटन प्रवर्द्धनका कार्यक्रम सञ्चालन गर्ने लक्ष्य लिइएको बजेटमा स्थलमार्गबाट आउने पर्यटकलाई लक्षित गरी स्वागत तथा सेवा केन्द्र स्थापना गरिने समावेश गरिएको छ । पर्यटकीय गन्तव्यको विकासमा निजी क्षेत्रको लगानी आकर्षित गरिनेछ । राष्ट्रिय निकुञ्ज, आरक्षण तथा संरक्षण क्षेत्रमा जङ्गल सफारी, पदयात्रा र पर्या पर्यटन विकासमा जोड दिइनेछ ।
निजी क्षेत्रको सहकार्य र पर्यटन बोर्डको सहजिकरणमा पर्यटन प्रवर्द्धन कार्यक्रम सञ्चालन गरिनेछ । उच्च पहाडी तथा हिमाली क्षेत्रको पर्यटन प्रवर्द्धन गर्न सुुरक्षित पर्या–पर्यटन पदमार्गको विकास गरिनेछ । शुक्लाफाँटा, खप्तड, बर्दिया, रारा, लुम्बिनी, मुक्तिनाथ, सौराहा, गोसाइँकुण्ड, जनकपुरधाम, कालिञ्चोक, कोशीटप्पु, सगरमाथा, केचनाकवच, पाथिभरा पदयात्रा सञ्चालन गरिनेछ । हिमाल आरोही तथा पद्यात्रीको सुरक्षा र आकस्मिक उद्धारका लागि भरपर्दो व्यवस्था मिलाइनेछ ।
होटल तथा रिसोर्टलाई उत्पादनमूलक उद्योगको मान्यता
सरकारले बजेटमार्फत होटल तथा रिसोर्टलाई उत्पादनमूलक उद्योगसरह मान्यता दिएको छ । त्यस्ता उद्योगका लागि आयकर तथा विद्युत् महसुलमा छुट दिइने बजेटमा घोषणा गरिएको छ । होटल, रेस्टुरेन्ट तथा जङ्गल सफारीमा कार्यरत श्रमिकलाई प्रोत्साहन गर्न कानुनी व्यवस्था गरिने जनाइएको छ ।
यस्तै सगरमाथा, पशुपति, लुम्बिनी, स्वर्गद्धारी, रारा, खप्तडलगायत प्रमुख धार्मिक तथा सांस्कृतिक गन्तव्यमा पूर्वाधार निर्माण गरिनेछ । बजेटमा स्वयम्भुनाथ, हनुमानढोका, पशुपतिनाथ र बौद्धनाथ क्षेत्रमा सन्ध्याकालिन पदमार्गको विकास गरिने भनिएको छ । पुष्पलाल मध्यपहाडी राजमार्गका आकर्षकस्थलमा पर्यटकीय पूर्वाधार निर्माण गरिनुका साथै कर्णाली, भेरी, गण्डकी, त्रिशुलीलगायत नदिमा ¥याफटिङको व्यवस्था मिलाइनेछ ।
सरकार र यातायात व्यवसायीबीच सहमति हुँदा पनि किन चलेनन् गाडी ?
यातायात व्यवसायीले सबै विषयमा सहमति जनाएर पनि बुँदा नम्बर १ को विषय पूर्ण कार्यान्वयन नभएसम्म आन्दोलन भने स्थगित नगर्ने अडान कायम राखेका छन् । सोही कारण आज पनि... मंगलबार, जेठ २०, २०८२
मनिष झाको प्रश्नः ‘भिजिट भिसामा मुछिएका कर्मचारीको जिम्मा बिहारका मुख्यमन्त्रीले लिन्छन् ?’
‘उहाँहरुले कर्मचारी त समातिएको हो नि भनिरहनुभएको छ । कर्मचारी त यही देशको समातिएको हो नी । त्यो कर्मचारीको जिम्मा बिहारको मुख्यमन्त्रीले लिन्छ ? कि यही देशको सरकारले... मंगलबार, जेठ २०, २०८२
बर्खामा पूर्वाधारमा हुनसक्ने क्षति न्यूनिकरणको तयारी गर्न सरकारलाई निर्देशन
सिंहदरबारमा मंगलबार बसेको प्रतिनिधिसभा अन्तर्गतको पूर्वाधार बिकास समितिले यस बर्ष भारी बर्षाका कारण केहि स्थानमा ठूलो धनजनको क्षति हुने आकंलन गरिएकाले त्यस्ता क्षेत्रमा पूर्वाधारहरुमा हुन सक्ने क्षती न्यूनीकरण... मंगलबार, जेठ २०, २०८२
प्रतिनिधिसभाको बैठक २ बजेका लागि सारियो
विपक्षी दलहरुले भिजिट भिसा प्रकरणमा उच्चस्तरीय छानबिन आयोगा बनाउनुपर्ने र गृहमन्त्रीले राजीनामा दिनुपर्ने माग गर्दै सदन अवरुद्ध गर्दै आएका छन् । गृहमन्त्री रमेश लेखकले सदमा बोल्न समय मागेका... मंगलबार, जेठ २०, २०८२भर्खरै
- तस्विरमा सिफलचौर थुप्रिएका राजावादीहरु
- प्रतिनिधिसभाको बैठक बुधबारसम्मका लागि स्थगित
- सरकार र यातायात व्यवसायीबीच सहमति हुँदा पनि किन चलेनन् गाडी ?
- मनिष झाको प्रश्नः ‘भिजिट भिसामा मुछिएका कर्मचारीको जिम्मा बिहारका मुख्यमन्त्रीले लिन्छन् ?’
- बर्खामा पूर्वाधारमा हुनसक्ने क्षति न्यूनिकरणको तयारी गर्न सरकारलाई निर्देशन
- प्रतिनिधिसभाको बैठक २ बजेका लागि सारियो
- सहमति भइसकेको अवस्थामा सार्वजनिक यातायात बन्द गर्नु अनुचितः यातायातमन्त्री
- भिजिट भिसाको सेटिङमा पैसा बुझाइएको १२ सय प्रमाण आईपुगेको छः हरि ढकाल
