समाज

गृहमन्त्रीलाई मनिष झाको प्रश्नः ‘२०७९ मा आएको पार्टीले २०७८ को सिडियो सरुवा कसरी गर्यो ?’

सिधाकुरा

बिहीबार, जेठ १५, २०८२

गृहमन्त्रीलाई मनिष झाको प्रश्नः ‘२०७९ मा आएको पार्टीले २०७८ को सिडियो सरुवा कसरी गर्यो ?’

काठमाडाैँ । राष्ट्रिय स्वतन्त्र पार्टीले गृहमन्त्री रमेश लेखकले आफ्ना सभापतिबारे सफेद झुट बोलेको बताएको छ । बिहीबार बजेट भाषणपछि संसद भवनमा प्रतिक्रिया दिदै गृहमन्त्रीको भनाईबारे आफ्नो पार्टीको ध्यानकर्षण भएको बताएका हुन् । गृहमन्त्रीले सहसचिव तिर्थराज भट्टराईलाई २०७८ मा आफ्ना पार्टीका सभापतिले सरुवा गरेको भन्ने कुरा झुट भएको बताएका छन् । उनका अनुसार राष्ट्रिय स्वतन्त्र पार्टी २०७९ असार ७ गते बल्ल दर्ता भएको थियो ।

Watch On

‘हिजोको पत्रकार सम्मेलनमा उहाँले भन्नुभयो कि तिर्थ भट्टराई जी लाई २०७८ सालमा मोरङको सिडियो सरुवा गरियो जुन तत्कालिन गृहमन्त्री रवि लामिछाने ज्यूले गर्नुभयो भनेर । यो कति झुटो हेर्नुस् त, हाम्रो पार्टी नै दर्ता भयो २०७९ साल असार ७ गते अनी ७८ को सिडियो चाहीँ कसरी सुरुवा हुन्छ हामीबाट ?’ झा ले प्रश्न गरे ।

त्यस्तै उनले त्यस समयमा रवि लामिछानेविरुद्ध कुनै उजुरी नभएको समेत स्पष्ट पारे ।

उनले राजनीतिक सुझबुझ देखाउँदै बजेट प्रस्तुत गर्न दिएपनि आगामी दिनमा सहज रुपमा संसद चल्न नदिने बताए । उनले भिजिट भिसा प्रकरणमा आफूहरुको तीनओटा माग रहेको बताउँदै त्यसको जवाफ प्रधानमन्त्रीले दिनुपर्ने बताए । र भिजिट भिसामा गृहमन्त्रीको संलग्नताबारे यथेस्ट प्रमाणहरु आफूहरुले संकलन गरेको बताए ।

प्रकाशित मिति: बिहीबार, जेठ १५, २०८२

प्रतिक्रिया दिनुहोस्