बच्चा कोरल्दै आगन्तुक चरा
चितवन । गर्मी छल्न र प्रजननका लागि यहाँ आएका आगन्तुक चराले बच्चा कोरल्न थालेका छन् । गत फागुनदेखि यहाँ आउन सुरु गरेका अधिकांश चराले वैशाख र जेठमा बच्चा कोरल्ने गर्दछन् ।
‘वर्ड एजुकेसन सोसाइटी’ बागमती प्रदेशका अध्यक्ष वासु विँडारी वास्तविक तथ्याङ्क नभए पनि ६० देखि ८० प्रजातिका आगन्तुक चरा चितवन राष्ट्रिय निकुञ्ज र आसपासका क्षेत्रमा यो मौसममा आएको बताउँछन् । ती चराले बच्चा कोरलेर आफूसँगै लैजाने उहाँको भनाइ छ । बच्चा उड्नसक्ने भएपछि भदौ र असोजमा ती चरा आफ्नो गन्तव्यमा फर्कने गर्दछन् ।
विश्वमा ११ हजारभन्दा बढी प्रजातिका चरा पाइने तथ्याङ्क छ । जसमध्ये ४० प्रतिशत हाराहारीले बसाइँसराइ गर्ने विँडारी बताउँछन् । उनका अनुसार यस क्षेत्रमा वर्षमा दुई पटक आगन्तुक चरा आउने गर्दछन् । जाडो र गर्मीमा ती चरा आउने गर्दछन् । जाडो छल्न आउने चराले यहाँ बच्चा कोरल्दैनन् । नेपालमा विश्वका अनेकौँ ठाउँबाट चरा बसाइँसराइका लागि आउने गर्छन् । जाडो मौसममा रसियाको साइबेरिया र मङ्गोलियाबाट नेपाल हुँदै भारतसम्म ती चरा पुग्ने उनले जानकारी दिए ।
गर्मीमा यहाँ आउने चरा भारत, श्रीलङ्का, दक्षिण–पूर्वी एशियाली मुलुक र अफ्रिकाबाट आउने गर्दछन् । यी चरा नदी तटीय, वन र घाँसे मैदानमा रमाउने गर्दछन् । विँडारीका अनुसार यो समयमा कोइली, स्वर्गचरी, सुनचरी र बकुल्ला प्रजाति धेरै हुने गर्दछन् ।
वर्ड एजुकेसन सोसाइटी चितवनका अध्यक्ष विजय गिरी यो मौसममा सुन्दर प्रजातिका चरा आउने भएकाले यहाँ घुम्न आउने पर्यटकले चरा अवलोकन गर्न पाउने बताउँछन् । रुख र झाडीमा बनाइएका गुँडमा भर्खर कोरलेका चराका बच्चाहरु देख्न सकिने उनको भनाइ छ । फागुनदेखि यहाँ आएका आगन्तुक चराले बच्चा कोरले असोजसम्ममा फर्किसक्ने उनले जानकारी दिए । नेपालमा ९०० प्रजातिका चरा पाइन्छन् । चितवन राष्ट्रिय निकुञ्ज र आसपासका क्षेत्रमा ६५२ प्रजातिका चरा पाइने गरेका छन् ।
सुशील कोइराला प्रखर क्यान्सर अस्पतालमा शय्या पाउनै मुस्किल
किमोथेरापी सेवा लिँदै आएका क्यान्सरका बिरामीले शय्या अभावमा दिनभर पालो कुर्नपर्ने बाध्यता छ । दिनभर कुर्दा पनि किमोथेरापीका लागि शय्या पाउन मुस्किल हुने गरेको बिरामीहरुको गुनासो छ । शुक्रबार, कात्तिक १४, २०८२
‘जेनजी भाइबहिनीहरु सचेत रहनुस्, तपाईँहरूमाथि पनि थारुलाई जसरी नेल ठोकिन सक्छ’: रेशम चौधरी
चौधरीले भने, ‘टीकापुरमा थारुको बिद्रोह भएको थियो तर त्यसलाई अपराधिकरण गरियो । आज उनीहरुले भोगेका छन् । हामीलाई देखाउँदिउँ भन्नेहरु आज आफैँ देखिरहेका छन् । जेनजी बिद्रोह जनबिद्रोह... शुक्रबार, कात्तिक १४, २०८२
‘मोन्था’ चक्रवातको सबै भन्दा बढी प्रभाव मोरङमा, आजबेलुकादेखि असर घट्दै जाने
मोन्था चक्रवातको असर अहिले मधेश प्रदेश र कोशी प्रदेशमा बढी परेको जल तथा मौसम विज्ञान विभागका सूचना अधिकारी दिनकर कायस्थले बताए । शुक्रबार, कात्तिक १४, २०८२
आन्दोलन सफल नहुँदासम्म हामीलाई चुनाव चाहिएको छैनः जेन–जी अगुवा यादव
'आन्दोलनको माग र मर्म अनुसार प्रतिफल आएको छैन । आन्दोलन संस्थागत नहुँदासम्म हामीलाई चुनाव चाहिएको छैन । हामी आन्दोलनको माग पुरा नभएसम्म लडिरहन्छौ । आन्दोलनको माग पुरा नभएको... शुक्रबार, कात्तिक १४, २०८२भर्खरै
- सुशील कोइराला प्रखर क्यान्सर अस्पतालमा शय्या पाउनै मुस्किल
- ‘जेनजी भाइबहिनीहरु सचेत रहनुस्, तपाईँहरूमाथि पनि थारुलाई जसरी नेल ठोकिन सक्छ’: रेशम चौधरी
- ‘मोन्था’ चक्रवातको सबै भन्दा बढी प्रभाव मोरङमा, आजबेलुकादेखि असर घट्दै जाने
- आन्दोलन सफल नहुँदासम्म हामीलाई चुनाव चाहिएको छैनः जेन–जी अगुवा यादव
- मुस्ताङमा बाढी बस्तीमै पसेपछि १२ च्याङ्ग्रा मरे, सिँचाइ कुलो र खानेपानीमा समेत क्षति
- रविलाई बाहिर निकालेर उनको नेतृत्वमा सबै शक्ति मिलेर पुरानाविरुद्ध चुनावमा जानुपर्छः डा. बाबुराम भट्टराई
- रास्वपा वैकल्पिक राजनीतिको फलेको वृक्ष हो परिपक्व भएर नेतृत्व लिओस्ः डा.बाबुराम भट्टराई
- धानबालीमा क्षति पुगेका पर्वतका कृषकलाई राहत दिइने
