मनिष झाको प्रश्नः ‘भिजिट भिसामा मुछिएका कर्मचारीको जिम्मा बिहारका मुख्यमन्त्रीले लिन्छन् ?’

काठमाडौँ । राष्ट्रिय स्वतन्त्र पार्टीले भिजिट भिसामार्फत भएको मानव तस्करी प्रकरणमा आफ्नो अडान कामय राखेको छ । गृहमन्त्रालयको प्रत्यक्ष संलग्नतामा उक्त प्रकरण भएको भन्दै रास्वपाले गृहमन्त्रीले राजीनामा दिनुपर्ने र उक्त घटनाको उच्चस्तरीय छानबिन समिति गठन गरिनुपर्ने मागमा आफ्नो अडान कायम राखेको हो । अख्तियारले अनुसन्धान गरिरहेको विषयमा उसको दायरा कर्मचारीमा मात्र सिमित हुने भएकाले उच्च स्तरीय आयोगको माग गरिएको रास्वपाका कार्यवाहक प्रवक्ता मनिष झाले जानकारी दिए । 

Watch On

सरकारपक्षले कर्मचारीको बदनियतका कारण उक्त प्रकरण भएको भन्दै गृहमन्त्रीले राजीनामा दिनुनपर्ने बताएको उनको भनाई छ । 

‘उहाँहरुले कर्मचारी त समातिएको हो नि भनिरहनुभएको छ । कर्मचारी त यही देशको समातिएको हो नी । त्यो कर्मचारीको जिम्मा बिहारको मुख्यमन्त्रीले लिन्छ ? कि यही देशको सरकारले लिने हो ? प्रश्न सोध्न पाइदैन हामीले ? यही देशको सरकारको कर्मचारीले ठगिरहेको रहेछ भनेर नैतिक जिममेवारी लिनुपपर्दैन ?’ झा ले भने । 

उनले आफूहरु एउटा नेताको पछि लागेको नभएर प्रकरण रोक्ने प्रयन्त गरिरहेका स्पस्ट पारेका छन् । ‘यसमा बर्तमान प्रधानमन्त्री र गृहमन्त्रीले अहिलेसम्म सकारात्मक बडी ल्याङ्ग्वेज देखाउनुपरथ्र्यो तर त्यसो हुन सकेन । समस्या त छ नी । समस्या छैन भनेर कसैले भन्न सक्नुहुन्छ ? नेपाली ठगिएको छैन भनेर कसैले भन्न सक्नुहुन्छ ?’ उनले प्रश्न गरे ।