समाज

माधव नेपालमाथि राजनीतिक प्रतिशोध साँधेर प्रहार भयो, कानुनी र राजनीतिक ढंगले प्रतिवाद गर्छौँः बेदुराम भुसाल

सिधाकुरा

बिहीबार, जेठ २२, २०८२

माधव नेपालमाथि राजनीतिक प्रतिशोध साँधेर प्रहार भयो, कानुनी र राजनीतिक ढंगले प्रतिवाद गर्छौँः बेदुराम भुसाल

काठमाडौँ । नेकपा एकीकृत समाजवादीका वरिष्ठ नेता बेदुराम भुसालले अध्यक्ष माधवकुमार नेपालविरुद्ध राजनीतिक पूवाग्रहका आधारमा मुद्दा दायर भएको प्रतिक्रिया दिएका छन् ।

Watch On

बिहीबार पार्टी कार्यालय आलोकनगरमा सञ्चारकर्मीसँग कुरा गर्दै भुसालले अध्यक्ष नेपालमाथि राजनीतिक पूर्वाग्रहका आधारमा भ्रष्टाचार मुद्दा चलाइएको भन्दै यसको राजनीतिक रुपले प्रतिवाद गर्ने बताए । त्यस्तै उहाले अदालतमा नै मुद्दा दर्ता भएकाले कानुनी लडाई पनि लड्ने उल्लेख गरे । ‘यसमा २ वटा पक्ष छ । एउटा, उहाँमाथि राजनीतिक पूर्वाग्रह साँधेर यो खालको मुद्दा लगाउने काम भएको छ । दोस्रो, यसको कानुनी पक्ष छ । राजनीतिक प्रतिशोध साँधेर जसरी उहाँमाथि आक्रमण भएको छ, त्यसको हामी राजनीतिक रुपमा नै प्रतिवाद गर्छौँ । कानुनी पक्षलाई हामी कानुनी ढंगबाटै प्रतिवाद गर्छौँ । यसमा अन्यौलमा बस्नुपर्ने कुनै कुरा छैन ।’, भुसालले भने ।

त्यस्तै माधव नेपालमाथि पहिलेदेखि नै राजनीतिक आक्रमण भइरहेको र अहिले त्यसैको निरन्तरता भएको उनको भनाई छ । राजनीतिक पूर्वाग्रह कसले साँधेको छ भन्ने विषय सबैलाई प्रष्ट रहेको उनले बताए ।

प्रकाशित मिति: बिहीबार, जेठ २२, २०८२

प्रतिक्रिया दिनुहोस्