समाज

आज पनि बस्न सकेन संसद बैठक, आइतबारसम्मका लागि स्थगित

सिधाकुरा

शुक्रबार, जेठ २३, २०८२

आज पनि बस्न सकेन संसद बैठक, आइतबारसम्मका लागि स्थगित

काठमाडौँ । प्रतिनिधिसभाको बैठक शुक्रबार पनि स्थगित भएको छ ।

Watch On

भिजिट भिसा प्रकरणमा प्रतिपक्षी र सत्तापक्ष दलबीच भएको छलफल निष्कर्षविहीन भएपछि शुक्रबार बोलाइएको बैठक सूचना टाँस गरि जेठ २५ गते आइतबार दिउँसो १ बजेसम्मका लागि स्थगित गरिएको हो । भिजिट भिसा प्रकरणमा छानविन समिति गठन र गृहमन्त्रीको राजीनामा माग गर्दै प्रतिपक्षी दलहरुले सदन सञ्चालन गर्न दिएका छैनन् ।

भिजिट भिसा प्रकरणमा छानविन समिति गठनको प्रतिवद्धता आए सदन चल्न दिने प्रस्ताव प्रतिपक्षीले गरेपनि सत्तापक्षले भने संवैधानिक निकायले गरिरहेको अनुसन्धानमा अर्को छानविन समिति गठन आवश्यक नरहेको जवाफ दिदै आएको छ ।

भिजिट भिसा प्रकरणमा प्रतिपक्षीको अडानका कारण कारण जेठ १३ गतेदेखि प्रतिनिधिसभा बैठक प्रभावित हुदै आएको छ ।

संसद्मा प्रमुख प्रतिपक्षी नेकपा (माओवादी केन्द्र) एवं प्रतिपक्षी दलहरु राष्ट्रिय स्वतन्त्र पार्टी (रास्वपा) र नेकपा (एकीकृत समाजवादी) को आज संसद् भवन सिंहदरबारमा बसेको बैठकले भिजिट भिसा प्रकरणमा गृहमन्त्री रमेश लेखकको राजीनामा नआएसम्म बैठक चल्न नदिने यसअघिको निर्णयलाई यथावत् राख्ने निष्कर्ष निकालेको थियो ।

त्यसलगत्तै सभामुख देवराज घिमिरेले अर्को बैठक आइतबार बस्ने गरी तोक्नुभएको हो ।

प्रकाशित मिति: शुक्रबार, जेठ २३, २०८२

प्रतिक्रिया दिनुहोस्