समाज

संसदको गतिरोध अन्त्य गर्न एमाले, कांग्रेस र माओवादीका प्रमुख सचेतकसँग सभामुखको छलफल

सिधाकुरा

आइतबार, जेठ २५, २०८२

संसदको गतिरोध अन्त्य गर्न एमाले, कांग्रेस र माओवादीका प्रमुख सचेतकसँग सभामुखको छलफल

फाइल तस्विर

काठमाडौँ । भिजिट भिसा प्रकरणमा गृहमन्त्री रमेश लेखकको राजीनामा माग गर्दै संसद अवरुद्ध भएपछि सभामुख देवराज घिमिरेले संसदमा प्रतिनिधित्व गर्ने दलका प्रमुख सचेतकहरूलाई छलफलका लागि बोलाएका छन्। आइतबार संसद बैठक सुरु हुनुअगावै समाभुखले नेपाली कांग्रेस, नेकपा एमाले र नेकपा माओवादीका प्रमुख सचेतहरुलाई छलफलका लागि बोलाएका हुन् ।

Watch On

३ दलका प्रमुख सचेतकसहितको बैठक नयाँ बानेश्वरस्थित संसद भवनमा सभामुखको कार्यकक्षमा जारी छ।

प्रमुख विपक्षी दल नेकपा माओवादी केन्द्रसहितका विपक्षी दलहरूले भिजिट भिसा प्रकरणमा गृहमन्त्री लेखकको संलग्नता रहेको आशङ्का व्यक्त गर्दै उनको राजीनामा माग गर्दै संसद अवरुद्ध गर्दै आएका छन् । उनीहरुको विरोधका कारण जेठ १३ गते देखि राम्रोसँग बैठक चल्न सकेको छैन भने कतिपय बैठक त बस्दै नबसी स्थगित भएका छन् ।

विपक्षी दलहरुले राजीनामा र छानबिनको विषय उठाउँदै गर्दा एमाले र कांग्रेसले अख्तियार दुरुपयोग अनुसन्धान आयोगले यस विषयमा अनुसन्धान गरिरहेको र सोही आधारमा निर्णय हुने भन्दै गृहमन्त्रीको राजीनामा आवश्यक नभएको अडान राख्दै आएका छन् । सोही कारण संसद बैठक चल्न सकिरहेको छैन ।

सभामुख घिमिरेले संसदको गतिरोध हटाउन विपक्षी दलहरूसँग पटकपटक छलफल गरिरहे पनि अहिलेसम्म सहमति जुट्न सकेको छैन।

प्रकाशित मिति: आइतबार, जेठ २५, २०८२

प्रतिक्रिया दिनुहोस्