समाज

अनेरास्ववियुको अध्यक्षमा प्रकाश पौडेलको उम्मेदवारी घोषणा

सिधाकुरा

सोमबार, जेठ २६, २०८२

अनेरास्ववियुको अध्यक्षमा प्रकाश पौडेलको उम्मेदवारी घोषणा

काठमाडौँ । सत्तारूढ नेकपा (एमाले) निकट विद्यार्थी संगठन अनेरास्ववियुको अध्यक्ष पदमा प्रकाश पौडेलले उम्मेदवारी घोषणा गरेका छने । यसअघि सचिव रहेका पौडेलले २४ औं महाधिवेशनमा अध्यक्ष पदका उम्मेदवारी घोषणा गरेका हुन् ।

Watch On

संगठनमा उमेर हद लागु भएपछि पौडेल नेतृत्वको दाबेदार बनेका हुन् । स्कुले जीवनदेखि नै अनेरास्ववियुमा सक्रिय रहेका पौडेलले जिल्ला कमिटी सदस्य, सचिव, अध्यक्ष हुँदै केन्द्रीय सचिव तथा प्रवक्तासम्मको यात्रा गरिसकेका छने । २०६९ मा म्याग्दी जिल्लामा कालोबजारी र भ्रष्टाचारविरोधी अभियान चलाएर चर्चा कमाएका उनले गण्डकी प्रदेशमा स्वयंसेवी अभियान चलाउँदै अनेरास्ववियुको सांगठनिक विस्तारमा समेत सक्रिय भूमिका निर्वाह गरेका थिए।

राजनीतिक पृष्ठभुमि बलियो बनाउँदै अघि बढेका पौडेलले तत्कालीन धौलागिरी क्षेत्रमा ओली पक्षधर संगठन निर्माणमा भूमिका खेलेका थिए। जनकपुर महाधिवेशनदेखि म्याग्दी, बागलुङ, पर्वत, मुस्ताङमा ओली समूहको सशक्त उपस्थिति बनाउन उनी अग्रसर रहेका थिए।

सोही कारण पनि उनी अहिलेको प्रतिस्पर्धामा सांगठनिक अनुभव र निरन्तर सक्रियताका आधारमा अगाडि देखिएका छन्।

प्रकाशित मिति: सोमबार, जेठ २६, २०८२

प्रतिक्रिया दिनुहोस्