संसदमा गृहमन्त्रीविरुद्ध नारावाजी, भोलिसम्मका लागि बैठक स्थगित

काठमाडौँ । भिटिज भिसा प्रकरणले निरन्तर अवरुद्ध हुँदै आएको संसद बैठकमा अजपनि सांसदहरुले नारवाजी गरेका छन् । सभामुख देवराज घिमिरेले संसद बैठक प्रारम्भ गरेपछि विपक्षी दल नेकपा माओवादी केन्द्र, राष्ट्रिय स्वतन्त्र पार्टी (रास्वपा), राष्ट्रिय प्रजातन्त्र पार्टी लगायतका सांसदहरुले उठेर विरोध जनाएका थिए । 

Watch On

त्यसपछि सत्ता पक्ष र विपक्षी दलका सांसदहरुबीच केहीबेर भनाभन भएको थियो । विपक्षी दलका सांसदहरुले ‘मानव तस्करलाई कारवाही गर’ भन्दै नारावाजी गरेका थिए । 

आज दिउँसो १ बजेका लागि बैठक बस्ने तय भएको थियो । त्यसपछि सारेर सवा तीन बजे पुर्याइएको थियो । उक्त समयमा पनि सुरु हुन नसकेको बैठक पौने ४ बजे बल्ल सुरु भएको थियो । 

तर ढिलो सुरु भएको बैठकमा पनि चर्को नारवाजी भएपछि सभामुखले भोलिसम्मका लागि बैठक स्थगित गरेका हुन् । 

बधुबार प्रतिनिधिसभाको बैठक बस्नुअघि बानेश्वरमा बसेको विपक्षी दलको बैठकले उक्त प्रकरणमा गृहमन्त्रीमाथि छानबिन गर्न समिति गठन नगरुन्जेलसम्म बैठक चल्न नदिने अडान कसेका थिए । 

माओवादी केन्द्रका वर्षमान पुन, हितराज पाण्डे, रास्वपाका सचेतक सन्तोष परियार, नेकपा एकीकृत समाजवादीका नेता राजेन्द्र पाण्डे लगायतका नेताहरु बसेको उक्त बैठकमा गृहमन्त्रीमाथि छानबिन गर्नुपर्ने साझा निष्कर्ष बनेको हो । 

विपक्षीहरुको सो अडानपछि जेठ १३ गतेयता चल्न सकेको छैन ।