मुख्य समाचार

काठमाडाैँ महानगरका तत्कालीन प्रमुख प्रशासकीय अधिकृत प्रदीप परियारसहित ७ जनाविरुद्ध भ्रष्टाचार मुद्दा दायर

सिधाकुरा

बुधबार, जेठ २८, २०८२

काठमाडाैँ महानगरका तत्कालीन प्रमुख प्रशासकीय अधिकृत प्रदीप परियारसहित ७ जनाविरुद्ध भ्रष्टाचार मुद्दा दायर

काठमाडौँ । काठमाडौं महानगरपालिकाको सामाखुसी कोरिडोर अन्तर्गत बसुन्धरा देखि म्हेपीसम्मको ढल निर्माणको ठेक्का प्रक्रियामा भ्रष्टाचार भएको आरोपमा महानगरका तत्कालीन प्रमुख प्रशासकीय अधिकृत प्रदीप परियारसहित ७ जनाविरुद्ध भ्रष्टाचार मुद्दा दायर भएको छ । अख्तियार दुरुपयोग अनुसन्धान आयोगले प्रदीप परियारसहित अन्य उच्चपदस्थ कर्मचारीहरूमाथि विशेष अदालतमा भ्रष्टाचार मुद्दा दायर गरेको हो ।

काठमाडौँ महानगरपालिकाका तत्कालीन प्रमुख प्रशासकीय अधिकृत प्रदीप परियार, बोलपत्र मूल्याङ्कन समितिका पदाधिकारीहरु निर्देशक रवीनमान श्रेष्ठ, निर्देशक शिवराज अधिकारी, निर्देशक बसन्त आचार्य, निर्देशक नमराज ढकाल, इन्जिनियर जनार्दन गिरी र खरिद एकाईका सहायक निर्देशक उत्तम दाहालविरुद्ध भ्रष्टाचार मुद्दा दायर गरेको हो । उनीहरुले मिलेमतोमा ठेक्काको मूल्याङ्कन प्रक्रियामा मनपरी मूल्याङ्कन प्रतिवेदन तयार पारी सरकारी सम्पत्तिमा नोक्सानी पुर्‍याएको आरोप छ।

त्यस्तै उनीहरुले चार करोड एकतीस लाख बहत्तर हजार दुई सय सतासी रुपैयाँ बत्तीस पैसा बराबरको रकम हिनामिना गरेको आरोप छ ।

प्रकाशित मिति: बुधबार, जेठ २८, २०८२

प्रतिक्रिया दिनुहोस्