समाज

संसदमा बोल्न मानेनन् अमरेशकुमार सिंह, भने– नाराबाजीका बिच म बोल्न सक्दिनँ, धन्यवाद

सिधाकुरा

आइतबार, असार १, २०८२

संसदमा बोल्न मानेनन् अमरेशकुमार सिंह, भने– नाराबाजीका बिच म बोल्न सक्दिनँ, धन्यवाद

काठमाडौँ । सांसद अमरेशकुमार सिंहले आफू नाराबाजीका बिच बोल्न नसक्ने बताएका छन् । आइतबारको प्रतिनिधिसभाको आकस्मिक समयमा बोल्न समय माग गरेका उनले संसदमा रास्वपाको प्रदर्शन र राप्रपाको विरोधका बिच आफू बोल्न नसक्ने बताएका हुन् ।

Watch On

सभामुख देवराज घिमिरेले सिंहलाई बोल्नका लागि समय दिएका थिए । तर अमरेशले इन्कार गर्दै भने, ‘सम्माननीय सभामुख महोदय, नाराबाजीका बिच म बोल्न सक्दिनँ, धन्यवाद ।’

संसदमा प्रतिपक्ष दल राष्ट्रिय स्वतन्त्र पार्टी र राष्ट्रिय प्रजातन्त्र पार्टीको विरोधकै बिच प्रतिनिधि सभाको बैठक चलिरहेको छ । दुई दलको अवरोधबीच सभामुख देवराज घिमिरे नेताहरुलाई बोल्ने समय दिएका थिए ।

संसदमा नेताहरुले बोलिरहेपनि रास्वपाले पनि वेल घेराउ गरेको छ । भिजिट भिसा प्रकरणमा गृहमन्त्री रमेश लेखकले राजिनामा दिनुपर्ने माग गर्दै आएका प्रतिपक्ष दलहरु संसद अवरुद्द गर्दै आएका थिए । तर शुक्रबार नेकपा माओवादीले अडान छाडेर सत्तापक्षसँग सहमती गरेपछि अहिले रास्वपा र राप्रपाले मात्रै विरोध गरिरहेका छन् ।

शुक्रबार पनि रास्वपा र राप्रपाको विरोधका बाबजुद पनि सभामुख देवराज घिमिरेले पेलेरै संसद चलाइएको थियो ।

प्रकाशित मिति: आइतबार, असार १, २०८२

प्रतिक्रिया दिनुहोस्