समाज

सभामुख विचौलियको पक्षमा उभिएः ज्ञानेन्द्र शाही

सिधाकुरा

आइतबार, असार १, २०८२

सभामुख विचौलियको पक्षमा उभिएः ज्ञानेन्द्र शाही

काठमाडौँ । राप्रपाका प्रमुख सचेतक ज्ञानेन्द्र शाहीले संसद र सभामुख बिचौलियाको पक्षमा उभिएको आरोप लगाएका छन् ।

Watch On

आइतबार संसद भवन नयाँ बानेश्वरमा सञ्चारकर्मीसंग कुरा गर्दै शाहीले भिजिट भिसा प्रकरणमा बिपक्षी दलको विरोध हुँदा हुँदै पनि जवरजस्त सदन चलाएर संसद र सभामुख बिचौलियाको पक्षमा उभिएकाले आफुहरुले सदन बहिष्कार गरेको बताए ।

‘सिधा कुरामा भन्दाखेरि, भिजिट भिसा प्रकरणमा स्वयं अहिले नेपाली नागरिकहरू बिचल्लीमा परेका छन्। सरकार स्वयं संलग्न छ भन्ने कुरा पछिल्ला तथ्य र प्रमाणले देखाएको छ।’ उनले भने, ‘अहिलेको गृहमन्त्री, अगाडिका गृहमन्त्री, सफ्टवेयर नै बनाएर ठगी गरिएका हुन् भन्ने कुरा तथ्य प्रमाणहरू बाहिरिँदाखेरी जवाफ चाहियो भनेर संसदमा हामीले आवाज उठाउँदै गर्दा, सभामुखले अनदेखा गर्दै, सभामुख र संसद स्वयं आज बिचौलियाको पक्षमा उभिएपछि हामीले संसद बहिष्कार गर्यौ। र बहिष्कार गर्नु सिवा अर्को विकल्प छैन ।’

सांसदले उठाएका आवाजलाई सम्बोधन नगर्ने संसदमा बस्नुको कुनै औचित्य नहुने उनको भनाइ छ । उनले संसदको नियमावलीको विरुद्धमा सभामुख चले संसदको कुनै महत्व नरहने धारणा राखे ।

शाहीले भिजिट भिसा प्रकरणमा माओवादी अध्यक्ष प्रचण्डले छेपारो प्रवृतिमा काम गरेको टिप्पणी गरे ।

प्रकाशित मिति: आइतबार, असार १, २०८२

प्रतिक्रिया दिनुहोस्