मुख्य समाचार

रास्वपाको प्रश्न : तस्कर गर्ने यो राज्यलाई जवाफदेही कसले बनाउने ?

अन्टिल द लायन ह्याज देयर ओन हिस्टोरियन, द हिस्ट्री अफ हन्ट विल अल्वेज ग्लोरीफाई द हन्टर्स

सिधाकुरा

सोमबार, असार २, २०८२

रास्वपाको प्रश्न : तस्कर गर्ने यो राज्यलाई जवाफदेही कसले बनाउने ?

काठमाडौँ । राष्ट्रिय स्वतन्त्र पार्टीका प्रमुख सचेतक सन्तोष परियारले यो राज्य जनताको हितको नभएको बताएका छन् । जनताको सेवा, सुरक्षा र हितकालागि राज्य बनेको बताउँदै शासकहरुका लागि नभएको बताए । तर राज्यले नै नागरिकको तस्कर गरेको उनको आरोप छ ।

उनले भने,

‘यो राज्य जनताका लागि हो कि शासकहरूको लागि हो ? यो राज्य कसको लागि हो, माननीय सभामुख महोदय ? आफ्नै नागरिकलाई अनेक तिकडम गरेर बेचबिखन गर्ने, तस्कर गर्ने यो राज्यलाई जवाफदेही कसले बनाउने ? इतिहास साक्षी छ। आम नागरिकको सुरक्षाका लागि, जनताका हितका लागि यो राज्य बनेर आएको हो, शासकहरूको लागि होइन। म स्मरण गराउन चाहन्छु, आज संख्या होला, तपाइँहरूसँग दम्भ होला। अफ्रिकामा एउटा भनाइ छ– अन्टिल द लायन ह्याज देयर ओन हिस्टोरियन, द हिस्ट्री अफ हन्ट विल अल्वेज ग्लोरीफाई द हन्टर्स। जबसम्म शासकहरूको आफ्ना इतिहास लेख्ने इतिहासकारहरू हुनेछन्, त्यतिबेलासम्म सिकारको होइन, सिकारीको इतिहास लेखिनेछ। के आज तपाइँहरू सिकारीको इतिहास लेख्न खोज्दै हुनुहुन्छ ? जनतालाई सिकार गरेर, जनतालाई दुःख दिएर यो राज्यको संरचना बनाइरहनुभएको छ।