काठमाडौँ । राष्ट्रिय प्रजतन्त्र पार्टीका प्रमुख सचेतक ज्ञानेन्द्र शाहीले  भिजिट भिसा प्रकरणमा एकजुट हुन समपुर्ण राजनीतिक दल र संसदीय दलका सम्पूर्ण सांसदहरूलाई आह्वान गरेका छन् । भिजिट भिसा प्रकरण कुनै दल विशेषको मुद्दा नभएर सबैले साझा मुद्दा भएका कारण एकजुट हुनुपर्ने बताएका हुन् । 

‘यो भिजिट भिसा प्रकरण कुनै दल विशेषको मुद्दा होइन। यो हामी सम्पूर्णको साझा मुद्दा हो र आजको एकजना गृहमन्त्रीको कुरा होइन। यो १४÷१४ वटा गृहमन्त्रीको कुरा हो, २०६४ सालदेखि अहिलेसम्मको कुरा हो ।’ उनले भने, ‘यो भएको हुनाले सम्पूर्ण राजनीतिक दल र संसदीय दलका सम्पूर्ण सांसदहरूलाई राप्रपाको तर्फबाट तपाईँहरूलाई अपिल छ, हामी एक ठाउँमा आऔं, मानव बेचबिखनविरुद्ध चाहिँ हामी एकजुट बनौं। यो कुनै व्यक्तिको, कुनै दलको मात्र मुद्दा होइन।’ 

प्रतिनिधिसभाको बैठकमा बोल्दै उनले यस्तो बताएका हुन् । सो क्रममा उनले अन्यायको महल कुनै ढल्ने दावी गरे । तयस्तै विरोधका बाबजुद पनि बैठकलाई निरन्तरता दिए बैठक बहिष्कार गर्ने बताए ।  ‘जाँदा जाँदै सरकारलाई भन्न चाहन्छु, अन्यायको महल कति दिन टिक्ला र ? झुटको पर्दा कति दिन छेकिँला र ? आज नभए भोलि त ढल्नैपर्छ, किनकि सत्यको जित निश्चित हुन्छ।’ उनले भने, ‘जबसम्म यो भिजिट भिसा प्रकरणमा छानबिन समिति बन्दैन र संसदमा एकवटा दलको पनि त्यत्तिकै हैसियत हुन्छ, एकजना सांसदको पनि त्यत्तिकै हैसियत हुन्छ। संसदमा विरोधका बाबजुद पनि संसद चल्यो भने राप्रपाले आज पनि संसद बहिष्कार गर्छ ।’