समाज

सङ्घीय निजामती विधेयक संसद्को कार्यसूचीबाट हटाएको भन्दै प्रतिपक्षको विरोध

सिधाकुरा

बिहीबार, असार ५, २०८२

सङ्घीय निजामती विधेयक संसद्को कार्यसूचीबाट हटाएको भन्दै प्रतिपक्षको विरोध

काठमाडौँ । प्रमुख विपक्षी दल नेकपा माओवादी केन्द्रले सङ्घीय निजामती विधेयक संसद्को कार्यसूचीबाट हटाइएको भन्दै आपत्ति जनाएको छ ।

Watch On

बिहीबार बसेको प्रतिनिधिसभा बैठकमा माओवादी केन्द्रका प्रमुख सचेतक हितराज पाण्डेले केही दिन अघि सदनको कार्यसूचीमा रहेको सङ्घीय निजामती विधेयकलाई अहिले संसद्को कार्यसूचीबाट हटाएको भन्दै आपत्ति जनाए । उनले निकै महत्त्वपूर्ण रहेको निजामती विधेयकलाई तत्काल कार्यसूचीमा राखेर अघि बढाउन सरकारको ध्यानाकर्षण गराए । सङ्घीय निजामती, विद्यालय शिक्षा र नागरिकता विधेयकलाई समयमा नै पारित गर्न प्रमुख प्रतिपक्षीले दबाब दिए पनि सरकार विधेयक अघि बढाउन गम्भीर नदेखिएको उनले बताए ।

नेकपा एकीकृत समाजवादीका वरिष्ठ उपाध्यक्ष राजेन्द्र पाण्डेले सङ्घीय निजामती विधेयकलाई संसदीय समितिबाट सर्वसम्मत रूपमा पारित गरेर सदनमा प्रस्तुत गरे पनि कर्मचारीको दबाबका कारण त्यसलाई रोक्ने प्रयास भएको बताए । कुलिङ पिरियड नहटाए २५ सचिवले राजीनामा दिने धम्की प्रधानमन्त्रीलाई दिएको भन्ने सुनिएको भन्दै उनले धम्कीसँग खुट्टा नकमाउन सरकारलाई आग्रह गरे ।

२५ जना सचिवले राजीनामा दिए २५ सहसचिवले नयाँ जिम्मेवारी पाउने उनले बताए। पाण्डेले धम्कीका भरमा गलत नीति निर्माण गर्न दिन नहुने बताए ।

प्रकाशित मिति: बिहीबार, असार ५, २०८२

प्रतिक्रिया दिनुहोस्