नेभिगेशन
समाज

आणविक साइटमाथि आक्रमण भएको ईरानद्धारा पुष्टि

इरानको फोर्डोस्थित आणविक केन्द्रमाथि आक्रमण भएको पुष्टि भएको छ । कुम प्रान्तस्थित सङ्कट व्यवस्थापन केन्द्रका प्रवक्ता मोर्तेजा हेइदारीले अलजजिरालाई दिएको जानकारी अनुसार कुमको हवाई प्रतिरक्षा प्रणाली सक्रिय भएपछि फोर्डो आणविक स्थलको एक भागमाथि आक्रमण गरिएको थियो । 

इरानको सरकारी समाचार संस्था तास्नीमले हेइदारीलाई उद्धृत गर्दै उक्त जानकारी दिएको हो । ‘केही घण्टा पहिले कुमको हवाई सुरक्षा प्रणाली सक्रिय पारिएपछि शत्रु लक्ष्यहरू पहिचान गरियो, त्यसपछि फोर्डो आणविक साइटको एक भागमाथि हवाई आक्रमण भएको हो,’ हेइदारीले भनेका छन् । 

फोर्डो, नताञ्ज र इस्फाहानजस्ता संवेदनशील आणविक स्थानहरू हाल अमेरिका र इरानबीचको तनावको केन्द्रमा रहेका छन्। यस घटनापछि आणविक सुरक्षा र क्षेत्रीय स्थायित्वबारे थप चिन्ता उत्पन्न भएको छ ।
 

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation