समाज

विद्या लक्षित ओलीको टिप्पणीः हामी मिसन ८४ अग्रसर छौँ, अवरोध गर्नेको हिसाबकिताब गरिनेछ

सिधाकुरा

शनिबार, असार १४, २०८२

विद्या लक्षित ओलीको टिप्पणीः हामी मिसन ८४ अग्रसर छौँ, अवरोध गर्नेको हिसाबकिताब गरिनेछ

काठमाडौँ । प्रधानमन्त्री एवं नेपाल कम्युनिष्ट पार्टी (एमाले) का अध्यक्ष केपी शर्मा ओलीले महाधिवेशन नआउँदै पार्टीभित्र केही स्वार्थ तत्वहरुलाई महाधिवेशन लागेको टिप्पणी गरेका छन् ।

Watch On

पूर्वराष्ट्रपति विद्यादेवी भण्डारी क्रियाशिल राजनीतिमा कमब्याक गर्ने चर्चाका बिच ओलीको यस्तो टिप्पणी आएको हो ।
जननेता मदनकुमार भण्डारीको ७४औँ जन्मजयन्तीका अवसरमा राष्ट्रिय युवा सङ्घद्वारा चन्द्रागिरी नगरपालिका वडा १३, कङ्कालीमा आयोजित वृक्षरोपण कार्यक्रमको शुभारम्भका अवसरमा अध्यक्ष ओलीले आफूहरुको लक्ष्य पार्टीलाई एकल बहुमतसहितको मिसन–८४ रहेको स्थितिमा पार्टीभित्र आफ्नो स्वार्थ खोज्नेहरुको हिसाब किताब गरिने बताए ।

“हामी अर्जुनदृष्टिका साथ मिसन–८४ को अभियानमा छौँ । हाम्रो स्वार्थ देशको समृद्धि, विकास र सुशासन हो । यस मिसनमा सबै एकजुट भएर लाग्नुपर्ने बेलामा महाधिवेशन नआउँदै महाधिवेशन लागेको जस्तो देखाउन आवश्यक छैन”, अध्यक्ष ओलीले भने, “हाम्रा कार्यकर्तालाई महाधिवेशन लागेकै छैन । केही स्वार्थीहरुलाई महाधिवेशन लागेको मात्रै हो । हामी त्यस्ताका पछाडि लाग्नु हुँदैन ।”

प्रकाशित मिति: शनिबार, असार १४, २०८२

प्रतिक्रिया दिनुहोस्