समाज

रबि लामिछानेमाथि साँधिएको राजनीतिक प्रतिशोधविरुद्ध पाँचखालमा हस्ताक्षर संकलन

सिधाकुरा

शनिबार, असार १४, २०८२

रबि लामिछानेमाथि साँधिएको राजनीतिक प्रतिशोधविरुद्ध पाँचखालमा हस्ताक्षर संकलन

काभ्रेपलाञ्चोक । रास्वपा पाँचखाल नगर समितिले पार्टी सभापति रवि लामिछानेमाथि साँधिएको राजनीतिक प्रतिशोधविरुद्ध हस्ताक्षर संकलन गरेको छ । समितिले काभ्रेको पाँचखाल नगरपालिका वडा नम्बर स्थित समाजकल्याण चोकमा डेक्स स्थापना गरी हस्ताक्षर संकलन गरेको हो ।

प्रत्येक दिन बिहान ७ बजेबाट बेलुका ६ बजेसम्म हस्ताक्षर अभियानको डेस्क सञ्चालनमा रहने उक्त अभियानका सदस्य तुलसी प्रसाद न्यौपानले जानकारी दिए । पाँचखालमा एकै दिनमा हजार बढी हस्ताक्षर संकलन भएको उनको भनाई छ । उनका अर्को डेस्क थप्ने तयारी भईरहेको छ भने सभापति रवि लामिछानेको अपिल र हस्ताक्षर फाराम भरेर घर घर जाने कार्यक्रम पनि रहेको छ ।

रास्वपाले सभापति रवि लामिछानेविरुद्ध साँधिएको राजनीतिक प्रतिशोधविरुद्धको हस्ताक्षर अभियानलाई तिब्र पारेको छ ।

पार्टीले आजबाट काठमाडौँमा पनि घरदैलो पदयात्रा सुरु गरेको छ । काठमाडौँ जिल्ला समितिले आज न्यूरोड गेटबाट घरदैलो पदयात्रा सुरु गरेको हो ।

न्यूरोड गेटबाट सुरु गरिएको पदयात्रा टेबहाक, सुन्धारा, लगन इन्द्रचोक क्षेत्रमा घरदैलो गरेको हो ।

त्यस्तै चितवनमा पनि हस्ताक्षर अभियान चलाइएको छ । उक्त अभियानमा रवि लामिछाने पत्नी निकिता पौडेल पनि सहभागी भएकी छिन् ।

प्रकाशित मिति: शनिबार, असार १४, २०८२

प्रतिक्रिया दिनुहोस्