समाज

आज पनि रास्वपाको संसद अवरोध निरन्तर, राप्रपाले गर्यो बहिष्कार

सिधाकुरा

आइतबार, असार १५, २०८२

आज पनि रास्वपाको संसद अवरोध निरन्तर, राप्रपाले गर्यो बहिष्कार

काठमाडौं । भिजिट भिसा प्रकरणलाई लिएर संसदमित्रै आन्दोलनमा उत्रिएका रास्वपा र राप्रपाले आज पनि आन्दोलन जारी राखेका छन् । राष्ट्रिय स्वतन्त्र पार्टी (रास्वपा) ले आज पनि प्रतिनिधिसभाको बैठकमा अवरोध जनाएको छ भने, राष्ट्रिय प्रजातन्त्र पार्टी (राप्रपा) ले बैठक बहिष्कार गर्दै सदनबाट बाहिरिएको छ।

Watch On

संसद्‌को आजको बैठक सुरु हुनासाथ रास्वपाका सांसदहरू वेलमा पुगेर नाराबाजीमा उत्रिए। उनीहरूले गृहमन्त्री रमेश लेखकको राजीनामाको माग दोहोर्‍याउँदै भिजिट भिसाको संसदीय वा उच्च स्तरीय छानबिन आयोग बनाउनुपर्ने माग गरे ।
सरकारले पूर्वमुख्यसचिव शंकरदास बैरागीको नेतृत्वमा गठन गरेको छानबिन समितिलाई रास्वपा र राप्रपाले समितिको निष्पक्षता र विश्वसनीयता प्रति गम्भीर शंका उठाउँदै त्यसलाई अस्वीकार गरिरहेका छन्।

यही असहमति र असन्तुष्टि प्रकट गर्न राप्रपाका सांसदहरू बैठकमै सहभागी नहुने निर्णय गर्दै बाहिरिएका हुन्। यसले संसदभित्र सरकार र विपक्षी दलबीचको सम्बन्ध थप तिक्त बनेको स्पष्ट देखिएको छ।

संसदीय गतिविधि बारम्बार अवरुद्ध भइरहँदा विधेयकहरूमा छलफल गर्ने कर्मकाण्डी मात्रै बनेका छन् भने आमनागरिकका महत्वपूर्ण सरोकारका विषयमा संवाद गर्नुपर्ने सदन आजकल राजनीतिक असहमतिको मञ्चमा सीमित बन्दै गएको छ।

प्रकाशित मिति: आइतबार, असार १५, २०८२

प्रतिक्रिया दिनुहोस्