मैले कुनै माननीयको नाम किटान गरेको थिएन, ठुलो स्वरले थर्काइयो: रामहरि खतिवडा

काठमाडौँ । प्रतिनिधि सभाको आजको बैठकमा रास्वपाका कार्यवाहक सभापति डोलप्रसाद(डीपी)अर्याल र कांग्रेस सांसद रामहरि खतिवडाबिच नोकझोक चलेको छ । 

भिजिट भिसाका नाममा हुने तस्करीमा गृह मन्त्री तथा गृह मन्त्रालय माथि छानबिनको माग गर्दै आएको रास्वपालाई लक्षित गर्दै हिजोको बैठकमा सांसद खतिवडाले कार्यवाहक सभापति अर्यालको ट्राभलको नाममा लिएका थिए । 

त्यसको प्रतिवाद गर्दै अर्यालले आज उक्त ट्राभल आफ्नो भएको र एउटा पनि गलत काम भएको प्रमाणित गर्न चुनौती दिएका थिए । त्यसपछि फेरी खतिवडाले आफूले नाम किटान नगरेको, कुनै संस्थाको छानबिन गर्नुपर्छ भन्दा ठुलो स्वरले संसद्मा थर्काएको भन्दै प्रतिवाद गरेका थिए । 

उनको भनाई यस्तो थियो । ''हामीले कुनै माननीयको नाम किटान गरेर भनेका थिएनौँ । चोरको खुट्टा काट भन्दा खुट्टा झिके जसरी केही माननीयहरू प्रस्तुत हुनुभयो । हामीले कुनै पनि संस्थालाई छानबिन गर्नुपर्छ भन्दा किन ठुलो स्वरले संसद् थर्काइन्छ महोदय ? म अनुरोध गर्न चाहन्छु( कुनै बेला हामी अदालतबाट निर्दोष भएर संसद्मा प्रतिनिधित्व गरेका छौँ । तर आज दोषी भएका मानिसहरू ठुलो स्वरमा कराउँदाखेरि यहाँ आपत्ति छ । हामीले निष्पक्ष छानबिन हुनुपर्छ भनेका थियौँ । छानबिन गरौँ दोषी छ भने कारबाही गरौँ । निर्दोष छ भने हामी उहाँलाई सफाइ दिन चाहन्छौँ । कानुनी रूपमा हिजो पनि आज पनि म्यानपावर कम्पनीलाई दलालमार्फत सुविधा दिने २०९ म्यानपावर कम्पनीलाई अवैध रूपमा सञ्चालनको अनुमति दिने को मान्छे श्रम मन्त्री थियो । त्यो छानबिन गर्न म माग गर्दछु ।'