समाज

अदालतको अवहेलना मुद्दामा मेडिकल एसोसिएसनका महासचिवलाई जवाफ दिन अदालतको आदेश

सिधाकुरा

बिहीबार, असार १९, २०८२

अदालतको अवहेलना मुद्दामा मेडिकल एसोसिएसनका महासचिवलाई जवाफ दिन अदालतको आदेश

काठमाडौँ । नेपाल मेडिकल एसोसिएसनका महासचिव डा सञ्जीव तिवारीलाई अदालतको अवहेलनमा मुद्दामा ७ दिनभित्र जवाफ पेस गर्न आदेश भएको छ । उच्च अदालत पाटनका न्यायाधीशद्वय श्यामकुमार भट्टराई र हेमन्त रावलको संयुक्त इजलासले अदालतको मानहानी मुद्दामा तिवारीलाई स्पष्टिकरणसहित जवाफ पेश गर्न आदेश दिएको हो।

केही महिनाअघि गठन भएको उपभोक्ता अदालतले उपचारमा लापरवाही भएका विषयमा केही अस्पताल र चिकित्सकलाई दोषी ठहर गर्दै फैसला सुनाएको थियो। त्यसपछि मेडिकल एसोसिएसनले सार्वजनिक रूपमा त्यसको विरोध गरेको थियो। महासचिव तिवारीले प्रेस विज्ञप्ति जारी गर्दै चिकित्सकहरूलाई कालोपट्टी बाँध्न आह्वान गर्दै उपभोक्ता अदालतले मेडिकल काउन्सिलको अधिकार क्षेत्र अतिक्रमण गरेको आरोप लगाएका थिए।

यसरी गरिएको विरोध अदालतको काममा हस्तक्षेप गर्ने नियतसहित भएको भन्दै अधिवक्ताहरू जय पौडेल र सुविन पाण्डेले उच्च अदालत पाटनमा निवेदन दर्ता गराएका थिए। त्यस्तै, उपभोक्ता हित संरक्षण मञ्च र कानुन व्यवसायीहरूको समूहले पनि अदालतको प्रतिष्ठामाथि आघात पुगेको भन्दै कारबाहीको मागसहित निवेदन दिएका थिए।

सो निवेदनउपर अदालतले जवाफ पेस गर्न आदेश दिएको हो ।

प्रकाशित मिति: बिहीबार, असार १९, २०८२

प्रतिक्रिया दिनुहोस्