समाज

रसुवा बाढीमा बेपत्ता हुनेहरुको सूची

सिधाकुरा

मंगलबार, असार २४, २०८२

काठमाडौं । चीनतर्फबाट आएको भीषण बाढीका कारण रसुवामा १८ जना बेपत्ता भएका छन्। नेपाली सेना, नेपाल प्रहरी र सशस्त्र प्रहरी बलको टोलीले अहिलेसम्म ९ जनाको उद्धार गरेको सशस्त्र प्रहरीले जानकारी दिएको छ।

Watch On

बेपत्ता हुनेमा इलाका प्रहरी कार्यालय टिमुरेमा कार्यरत प्रहरी सहायक निरीक्षक लालबहादुर श्रेष्ठ, प्रहरी जवान मुन्ना ठाकुर र लोकेन्द्र बोहोरा छन्।

त्यस्तै ६ जना चिनियाँ नागरिक समेत बेपत्ता भएका छन्। सशस्त्र प्रहरीका अनुसार बेपत्ता चिनियाँ नागरिकहरूमा YU YUE, LI HUAQING, YANG CHUAN, YU HAI HANG, YOU XIAO QIU र JOU YONG रहेका छन्।

नेपाली नागरिकमध्ये बेपत्ता हुनेमा बर्दिया घर भएका जिपन चौधरी, सन्तोष दइत, बुद्धिराम थारु, लक्ष्मीनारायण थारु, सुरेश थारु, बागलुङका नरेन्द्र विक, कन्टेनर चालक फुर्वा लामा, मिक्चर चालक गोविन्द मोक्तान र हाइलक्स चालक लोकमान तामाङ छन्।

गएराति आएको बाढीले नेपाल–चीन मितेरी पुल, भन्सार कार्यालय, सुख्खा बन्दरगाह र रसुवागढी हाइड्रोपावरको ड्याम र क्याम्पमा ठूलो क्षति पुर्‍याएको छ। सुख्खा बन्दरगाहमा राखिएका सातवटा इलेक्ट्रिक सवारी (ईभी) बाढीले बगाएको बताइएको छ।

बाढी प्रभावित क्षेत्रमा अहिले खोज तथा उद्धार कार्य तीव्र रुपमा जारी रहेको सुरक्षा निकायहरूले जनाएका छन्।

प्रकाशित मिति: मंगलबार, असार २४, २०८२

प्रतिक्रिया दिनुहोस्