समाज

‘श्री ५ महाराजधिराज सरकार’ भनी विज्ञप्ति निकाल्ने पूर्वराजा ज्ञानेन्द्रका संवाद सचिव प्रहरी नियन्त्रणमा

सिधाकुरा

शुक्रबार, असार २७, २०८२

‘श्री ५ महाराजधिराज सरकार’ भनी विज्ञप्ति निकाल्ने पूर्वराजा ज्ञानेन्द्रका संवाद सचिव प्रहरी नियन्त्रणमा

काठमाडौँ । पूर्वराजा ज्ञानेन्द्र शाहका संवाद सचिव फणिराज पाठकलाई प्रहरीले शुक्रबार बिहान सोधपुछका लागि नियन्त्रणमा लिएको छ। पाठकले पूर्वराजाका तर्फबाट निकालिने विज्ञप्तीमा ‘श्री ५ महाराजधिराज’ भनी सम्बोधन गर्ने गरेका कारण त्यसबारे कानुनी वैद्यताबारे सोधपुछ गर्न उनलाई नियन्त्रणमा लिइएको प्रहरीले जनाएको छ ।

Watch On

जिल्ला प्रहरी परिसर, काठमाडौँका प्रवक्ता एसपी अपीलराज बोहराका अनुसार संविधानले नचिनेको ‘श्री ५ महाराजधिराज’ पदवी प्रयोग गरी विज्ञप्ति जारी गरिएको विषयमा सोधपुछ गर्न उनलाई नियन्त्रणमा लिइएको हो । ‘संवाद सचिवालयको वैधानिकता र ‘श्री ५ महाराजधिराज सरकार’ भन्ने पदवीको कानुनी वैद्यताबारे सोधपुछ गर्न पाठकलाई बोलाइएको हो।’, बोहराले सिधाकुरासँग भने ।

पाठकले हालसम्म पूर्वराजाका नाममा प्रकाशित विभिन्न विज्ञप्तिहरूमा ‘श्री ५ महाराजधिराज ज्ञानेन्द्र वीरविक्रम शाहदेवबाट बक्सिएको सन्देश’ भन्ने शैलीमा सम्वोधन गर्दै आएका छन्। यही विषयमा यसअघि संसद्मै एमाले सांसद ठाकुर गैरेले आपत्ति जनाउँदै संवाद सचिव र पूर्वराजाविरुद्ध कारबाहीको माग गरेका थिए।

पाठकलाई जिल्ला प्रहरी परिसर, भद्रकालीमा राखेर सोधपुछ भइरहेको प्रहरीले जनाएको छ ।

प्रकाशित मिति: शुक्रबार, असार २७, २०८२

प्रतिक्रिया दिनुहोस्