समाज

पार्टी विवरण अद्यावधिक नगरेपछि रास्वपा पुग्याे निर्वाचन आयोग

सिधाकुरा

आइतबार, साउन ४, २०८२

पार्टी विवरण अद्यावधिक नगरेपछि रास्वपा पुग्याे निर्वाचन आयोग

काठमाडौँ । राष्ट्रिय स्वतन्त्र पार्टी (रास्वपा) निर्वाचन आयोगमा पार्टी विवरण अद्यावधिकको माग लिएर पुगेको छ। रास्वपाका महामन्त्री कविन्द्र बुर्लाकोटी केही कानून व्यवसायीहरूको साथमा शुक्रबार आयोग पुगेका हुन्।

Watch On

बुर्लाकोटीका अनुसार एक वर्षअघि नै आयोगमा पार्टी विवरण अद्यावधिक गर्न आवश्यक सम्पूर्ण कागजात पेश गरिएको भए पनि अहिलेसम्म आयोगले त्यसलाई कार्यान्वयनमा नल्याएको हो। यही विषयमा स्पष्टिकरण माग्न र छलफल गर्न उनी आयोग पुगेको बताए।

"हामीले आवश्यक सबै प्रमाणपत्रहरू बुझाइसकेका छौँ। अदालतबाट पनि कुनै प्रकारको अन्तरिम आदेश (स्टे अर्डर) छैन। तर, आयोगले विवरण अद्यावधिक नगरेपछि हामी छलफलका लागि आएका हौँ," उनले भने।

यसबीच, राप्रपाबाट निष्कासित डा. मुकुल ढकालले आफूमाथिको कारबाहीविरुद्ध दायर गरेको मुद्दा विचाराधीन रहे पनि त्यसले रास्वपाको विवरण अद्यावधिक प्रक्रियामा कुनै असर पार्न नहुने बुर्लाकोटीको जिकिर छ। "मुद्दामा अदालतले अन्तरिम आदेश नदिएकाले आयोगले विवरण अद्यावधिक गर्नबाट रोकिनुपर्ने कुनै कानुनी आधार छैन," उनले स्पष्ट पारे।

रास्वपाले निर्वाचन आयोगसँग चाँडो निर्णय दिन आग्रह गर्दै विवरण अद्यावधिक प्रक्रिया तत्काल अगाडि बढाउन माग गरेको छ।

प्रकाशित मिति: आइतबार, साउन ४, २०८२

प्रतिक्रिया दिनुहोस्