समाज

रूपन्देही ३ को उपनिर्वाचन कार्यतालिका सार्वजनिक, असोज २१ गते उम्मेदवारी दर्ता

सिधाकुरा

आइतबार, साउन ४, २०८२

रूपन्देही ३ को उपनिर्वाचन कार्यतालिका सार्वजनिक, असोज २१ गते उम्मेदवारी दर्ता

काठमाडौँ । निर्वाचन आयोगले रूपन्देही ३ मा कात्तिक १७ गते हुने उपनिर्वाचनका लागि कार्यतालिका सार्वजनिक गरेको छ। आयोगका अनुसार असोज २१ गते बिहान १० बजेदेखि बेलुका ५ बजेसम्म उम्मेदवारी दर्ताको समय तोकिएको छ। उम्मेदवारको प्रारम्भिक सूचि सोही दिन साँझ ५ देखि ७ बजेभित्र प्रकाशन गर्ने कार्यतालिका रहेको आयोगले जनाएको छ।

Watch On

उम्मेदवारको सूचीमा उजुरी दिन असोज २२ बिहान १० देखि ३ बजेसम्मको समय निर्धारण गरिएको छ। सोही दिनको दिउँसो १५ बजेदेखि असोज २३ गते बेलुका ५ बजेसम्ममा मनोनयन पत्र र उजुरी उपर जाँचबुझ एवम् निर्णय गरी असोज २३ गते बेलुका ५ बजेदेखि ११ बजेसम्म उम्मेदवारको नामावली प्रकाशन गरिने कार्यतालिका छ।

उम्मेदवारी फिर्ताका लागि असोज २४ गते बिहान १० देखि १२ बजेको समय तोकिएको छ। आयोगले सोही दिन दिउँसो १ देखि ३ बजेभित्र उम्मेदवारको अन्तिम नामावली प्रकाशन गर्नेछ। भने सोही दिन साँझ ६ बजेसम्म उम्मेदवारलाई चुनाव चिह्न प्रदान गर्ने कार्यतालिका बनाएको छ ।
यस्तै कात्तिक १७ गते बिहान ७ बजेदेखि बेलुका ५ बजेसम्म मतदान हुनेछ। २०७९ मा रुपन्देही ३ बाट निर्वाचित दिपक बोहराको निधन भएपछि यहाँ उपनिर्वाचन हुन लागेको हो ।

प्रकाशित मिति: आइतबार, साउन ४, २०८२

प्रतिक्रिया दिनुहोस्