समाज

महाविर पुनको आत्मकथा बिक्रीबाटै उठ्यो १२ करोड, दुई लाख १८ हजार प्रति बिक्री

सिधाकुरा

मंगलबार, साउन ६, २०८२

महाविर पुनको आत्मकथा बिक्रीबाटै उठ्यो १२ करोड, दुई लाख १८ हजार प्रति बिक्री

झापा । राष्ट्रिय आविष्कार केन्द्रका अध्यक्ष डा महावीर पुनको आत्मकथा ‘महावीर पुनः सम्झना, सपना र अविरल यात्रा’ पुस्तक दुई लाख १८ हजार प्रति बिक्री भएको छ ।

Watch On

केन्द्रको सहयोगार्थ पुस्तक बिक्रीका लागि विर्तामोड पुगेका डा पुनले पुस्तक बिक्रीबाट रु १२ करोड राष्ट्रिय आविष्कार केन्द्रको खातामा जम्मा भइसकेको जानकारी दिए । उनको पुस्तकको मूल्य रु सात सय ५० छ ।

उक्त रकमलाई केन्द्रले सञ्चालन गर्दै आएको वीरगञ्ज औजार कारखाना र आविष्कार गतिविधिमा खर्च गरिने पुनको भनाई छ । पुस्तक बिक्रीका लागि एक सातादेखि झापामा पुगेका पुनलाई संस्थागत र व्यक्तिगत रूपमा आमन्त्रण गरेर पुस्तक किन्ने क्रम बढिरहेको छ ।

विर्तामोड नगरपालिकाले सोमबार एक कार्यक्रम आयोजना गरी केन्द्रको सहयोगार्थ रु ५० हजार मूल्य बराबरको पुस्तक खरिद गरेको छ ।

विर्तामोड, दमक, बाह्रदशी, विर्तामोड, बुद्धशान्तिलगायतका पालिकामा स्थानीय सामाजिक संस्था र युवाहरूको अगुवाइमा पुनको किताब किन्ने अभियान सञ्चालन भइरहेको छ ।
पुनले राष्ट्रिय आविष्कार केन्द्रमा हाल १५ प्रकारका कृषि औजार उत्पादन भइरहेको जानकारी दिए । ती उपकरण भविष्यमा पालिकाका साना किसानका लागि लाभदायक हुने उनको विश्वास रहेको छ ।

प्रकाशित मिति: मंगलबार, साउन ६, २०८२

प्रतिक्रिया दिनुहोस्