एनआरएनए राष्ट्रिय समन्वय परिषद् जापान (एनसीसी) केन्द्रीय सदस्यमा सूर्य लामिछानेको उम्मेदवारी

टोकियो । गैर आवासीय नेपाली संघ (एनआरएनए)को चुनावी सरगर्मी ह्वात्तै बढेको छ । आसन्न निर्वाचनमा संघमा आबद्ध सबै देशमा रहेका गैर आवासीय नेपालीहरुको उम्मेदवारी दर्ता  घोषणा क्रम चलेको छ । 

Watch On

पछिल्ला दिन यता संघको विभिन्न पदमा उम्मेदवारी घोषणा गर्ने रस्साकस्सी नै चलेको छ । झन्डै देशको आधा जनसङ्ख्या विदेशका विभिन्न देशमा शिक्षा,रोजगारी तथा व्यवसायमा सक्रिय रहेका गैर  आवासीय नेपालीहरुको छाता सङ्गठनका  यी पदहरुमा निर्वाचित हुन निकै प्रतिस्पर्धा हुने गर्छ ।

संघको आबद्ध देशहरुमा चुनावी सरगर्मी बढिरहेकै बेला जापानबाट पनि उम्मेदवारी घोषणा गर्ने क्रम चलिरहेको छ । यसैक्रममा एनआरएनए राष्ट्रिय समन्वय परिषद् जापान (एनसिसि) केन्द्रीय सदस्यमा बाग्लुङ्गका सूर्य लामिछानेको उम्मेदवार बनेका छन् ।  जापानमा दुई दशकदेखि  विभिन्न पेसा, व्यवसायमा आबद्ध लामिछानेले यो निर्वाचनमा आफ्नो जित  सुनिश्चित हुने दाबी गरे ।

को हुन् सूर्य लामिछाने ?  

गण्डकी प्रदेशको बागलुङ जिल्ला साबिक बलेवा र हाल बागलुङ नगरपालिका वडा नं १३ खर्से डांँडामा जन्मिएका लामिछाने वैदेशिक रोजगारीको सिलसिलामा करिब २ दशक अगाडी जापान प्रवेश गरेका थिए । 

जापानमा विगत १२ वर्ष देखि आफ्नै व्यवसाय सञ्चालन गर्दै आएका लामिछानेले १ सय जना भन्दा धेरैलाई रोजगारी दिएका छन् । व्यवसायसँगै सामाजिक काममा सक्रिय उनी बागलुङ सेवा समाज जापान र बलेवा सेवा समाज जापानको संरक्षक समेत रहेका छन् । 

अहिले उनै लामिछाने  गैर आवासीय नेपाली संघ (एनआरएनए) राष्ट्रिय समन्वय परिषद् जापान (एनसिसि) को खुल्ला तर्फ केन्द्रीय सदस्य पदमा उम्मेदवार बनेका छन् । 

उनले “पारदर्शीता, खबरदारीता सबल एनआरएनए बनाउने मेरो प्रतिबद्धता” सहित उम्मेदवारी दर्ता गराएको बताए । 

२०७४ सालमा देशमा आफ्नो शाखा फैलिएको गैर आवासीय नेपाली संघको एनसीसी जापान सँग लामो समय देखि आबद्धता रहेता पनि साथीहरूको सल्लाह र आग्रहमै यस पटक भने एनसीसीमा उम्मेदवार बनेको  लामिछाने  बताउँछन् । 

लामिछानेले गैर आवासीय नेपाली संघ राष्ट्रिय समन्वय परिषद्को आसन्न १२ औ महाधिवेशनमा आफुलाइ खुल्ला केन्द्रीय सदस्यको रूपमा विजयी गराइदिनु आग्रह समेत गरेका छन् । 

आफ्नो जित सुनिश्चित भएमा जापानवासी नेपालीका सुख दुःखका सारथि बनेर उनीहरूको हक हित समस्याको समाधान गर्ने प्रतिबद्धता व्यक्त गरेका छन् ।