सरकार भ्रष्टाचारको होइन नियन्त्रणको पर्याय भएको छः प्रधानमन्त्री ओली
काठमाडौँ । प्रधानमन्त्री केपी ओलीले नेपाल अति कम विकसित मुलुकबाट विकासशील मुलुकमा स्तरोन्नति भएपछि नेपालको अन्तराष्ट्रिय छवि थप उच्च हुने बताएका छन् ।
बुधबार राष्ट्रियसभा बैठकमा नेपालको अतिकम विकसित राष्ट्रबाट विकासशील राष्ट्रमा स्तरोन्नति सम्बन्धी अध्ययन प्रतिवेदनमाथि भएको छलफलपछि प्रधानमन्त्री ओलीले नेपाल अर्को बर्ष विकासशील मुलुकमा स्तरोन्नति हुने भन्दै यसले अन्तराष्ट्रिय छवि थप उच्च हुने र नेपाल आत्मनिर्भरतर्फ अघि बढ्ने बताएका हुन् ।
उनले नेपालले सन् २०१० देखि नैं आवधिक योजना, बजेट तथा कार्यक्रममार्फत स्तरोन्नतिका प्रयास गर्दै आएकोमा प्रतिव्यक्ति कूल राष्ट्रिय आयमा हालै मात्र सुधार आएको स्थितिले नेपाललाई आगामी बर्ष मुलुकबाट विकासशील मुलुकमा स्तरोन्नति हुने अवसर आएको उल्लेख गरे । यसमा विगतको १५औ योजना र चालु १६ औँ योजनाले लिएका लक्ष्य समृद्ध नेपाल र सुखी नेपालीको सफल कार्यान्वयनको नतिजा देखापर्न थालेको उनले बताए ।
प्रधानमन्त्री ओलीले विकासशील मुलुकमा स्तरोन्नति भएपछि नेपालले अति कम विकसित राष्ट्रको हैसियतले प्राप्त गर्ने सुविधा कटौति हुने अवस्था रहेको जानकारी दिए । यहि परिस्थितिको आंकलन गरेर नेपालले गत बर्षदेखि नै परराष्ट्र मन्त्रालय मार्फत अन्तर्राष्ट्रिय कुटनैतिक पहल गरिरहेको उनको भनाइ ।
उनले मुलुकको आर्थिक सुचकांक सकारात्मक हुदै गएको भन्दै अर्को बर्ष नेपाल ग्रे लिष्टबाट निस्कने दावी गरे । त्यस्तै प्रधानमन्त्री ओलीले आफु भ्रष्टाचार पनि नगर्ने र अरुलाई पनि गर्न नदिने दोहोर्याए । भ्रष्टाचार गर्ने कोहिलाई नछाड्ने उनले बताए ।
‘सरकार भ्रष्टाचराको पर्याय भयो भन्छन् । एकदुई जनालाई कारबाही गरेपछि भ्रष्टाचार भएको त छर्लङ्गै देखियो त भन्छन् । कारबाही नगर्दीए राम्रो ? काबाही गर्यो भने छ्यालब्याल रैछ नी भ्रष्टाचार ।’ उनले भने, कसैले गर्यो भने कारबाही हुन्छ । कसैलाई पनि छोडिन्न । त्यही त गर्ने होला नी । भ्रष्टाचार गर्दिन, गर्न दिन्न भनेको त्यही होइन र ? अनी सरकार कहाँबाट पर्याय हुन्छ ? भ्रष्टाचार नियन्त्रणको पर्याय भएको छ सरकार । ’
प्रधानमन्त्री ओलीले स्तरोन्नतिलाई दिगो बनाई राख्न केहि कानुन खारेज गर्ने, केहि संशोधन गर्ने र केहि कानुन नयाँ बनाउनु पर्ने अवस्था रहेकोले यसमा प्रक्रिया अघि बढाइएको जानकारी दिए । द्विपक्षीय बहुपक्षीय सहकार्यबाट पनि अन्तर्राष्ट्रिय सहयोग जुटाउन, लगानी वृद्धि गर्न र ऋण लिन पनि सहयोग पुग्ने गरी अवसर जुटेको उनले बताए ।
प्रधानमन्त्री ओलीले निजि क्षेत्रमा पर्ने प्रभाव, श्रम तथा रोजगारको क्षेत्रमा गर्नुपर्ने सुधार एवं व्यापारमा पर्ने प्रभावका सम्बन्धमा सरकारले आवश्यक रणनीति तय गरेको समेत उल्लेख गरे ।
२८५ मेगावाटको माथिल्लो तमोर जलविद्युत आयोजना निर्माणको विरोधमा लिङ्खिमबासी आन्दोलीत, तत्काल रोक्न माग
अपर तमोर प्रभावित संघर्ष समितिका सल्लाहकार समेत रहेको स्थानीय श्री लिङ्खिमका अनुसार आयोजना निमार्ण रोक्न माग गर्नुको पाँच मुख्य कारण छन् । बिहीबार, साउन १५, २०८२
राप्ती नदीमा १३३ गोही छाडियो
निकुञ्जका सूचना अधिकारी अविनास थापामगरका अनुसार यस वर्ष छाडिएका गोही सहित २०९० गोही प्रजनन् केन्द्रमा हुर्काएर विभिन्न नदीमा छाडीएको छ । त्यसमध्ये सबैभन्दा बढी राप्तीमा १३३५ छाडिएको उहाँले... बिहीबार, साउन १५, २०८२
‘मैले तयार गरेको गीतहरु आफैँले प्रयोग गर्न नपाउँदाको पीडालाई शब्दमा कसरी बयान गरूँ ?’ : गायक अनिल सिंह
“मैले तयार गरेको अडियोहरू म आफैँले प्रयोग गर्न नपाउँदाको पीडालाई शब्दमा कसरी बयान गरूँ । मैले श्रव्यदृश्य निर्माणका लागि ती गीतहरू दिएको थिएँ, तर अहिले म आफैँले ती... बिहीबार, साउन १५, २०८२
मूलपानीस्थित कार्यालयमा क्यानको बोर्ड बैठक सुरु
एनपीएलको पहिलो संस्करण, सोको आर्थिक विवरण पेस हुने बताइएकाे छ । पहिलो संस्करणको हिसाव पारदर्शी नभएको भन्दै असन्तुष्ट पक्षले हिसाब अनुमोदन नगर्ने बताउँदै आएका छन् । बिहीबार, साउन १५, २०८२भर्खरै
- २८५ मेगावाटको माथिल्लो तमोर जलविद्युत आयोजना निर्माणको विरोधमा लिङ्खिमबासी आन्दोलीत, तत्काल रोक्न माग
- राप्ती नदीमा १३३ गोही छाडियो
- ‘मैले तयार गरेको गीतहरु आफैँले प्रयोग गर्न नपाउँदाको पीडालाई शब्दमा कसरी बयान गरूँ ?’ : गायक अनिल सिंह
- मूलपानीस्थित कार्यालयमा क्यानको बोर्ड बैठक सुरु
- स्वास्थ्य समस्याका कारण वाग्मतीका प्रदेश प्रमुख काठमाडौँ लागेपछि मन्त्रीहरुको शपथ स्थगित
- कालीगण्डकी सडक अवरुद्ध
- हुम्लामा अज्ञात रोग फैलियाे, मर्न थाले पशुवस्तु
- आज पाँच संसदीय समितिका बैठक बस्दै
