काठमाडौँ । नागरिक उन्मुक्ति पार्टी (नाउपा) को असन्तुष्ट पक्षले लालवीर चौधरीलाई अध्यक्ष चयन गरेको छ । बिहीबार काठमाडौँमा बसेको नाउपा असन्तुष्ट पक्षको राष्ट्रिय भेलाले रञ्जिता श्रेष्ठलाई हटाउदै चौधरीलाई अध्यक्ष चयन गरेको हो । लालवीर चौधरी नाउपाका संरक्षक रेशम लाल चौधरीका बुबा हुन् । 

राष्ट्रिय भेलाले अध्यक्ष चयन गरेपछि चौधरीले पार्टीलाई विधिबिधान अनुसार अघि बढाउने बताए । उनले पार्टीभित्र निकास निकाल्नका लागि आफु गम्भीर रहेकाले भन्दै आफ्ना कुराहरु पार्टीमा राख्न रञ्जिता श्रेष्ठलाई सुझाव दिए । 

रञ्जिता श्रेष्ठले डेड बर्षदेखि पार्टीको बैठक समेत नराखेको र त्यसका कारण पार्टीका गतिविधि अवरुद्ध भएकाले राष्ट्रिय भेलामार्फत निकास निकाल्ने प्रयास गरेको चौधरीले बताए । 

पार्टी कमिटीको सुझाव सल्लाहको आधारमा आफु अघि बढ्ने उनले बताए । 

यता रञ्जिता श्रेष्ठले विधानविपरीत बसेको पार्टीको राष्ट्रिय भेलाको निर्णय मान्य नहुने बताएकी छिन् । बिहीबार सिंहदरबारमा कृषि समितिको बैठकमा सहभागी भइ निस्कने क्रममा श्रेष्ठले राष्ट्रिय भेला बोलाउने अधिकार अध्यक्षलाई मात्रै रहेको भन्दै विधानविपरीत बसेको पार्टीको राष्ट्रिय भेलाको निर्णय मान्य नहुने बताएकी हुन् । 

पार्टीको विधानअनुसार आफुले कुनै पनि बैठक नै आह्वान नगरेको उनले बताइन् । अहिले पनि आफु पार्टीको अध्यक्षमा कायमै रहेको उनको भनाइ छ । 

श्रेष्ठले आफु निरन्तर काममा हिडिरहेको भन्दै पार्टीको विवादका बारेमा केहि थाहा नभएको बताइन् ।